Forum Replies Created
-
Replies
-
Lamb á diskinn minn takk.
Keðjusög eða járnkall+skófla í klakafestum ?
Arnór
Er ekki rétt munað að nýr vefur átti að fara í loftið 1.feb ?
Ég er bara farin að hlakka til morgundagsins
Arnór
Ok – takk fyrir þetta, þetta er uppörvandi að heyra, þá veit ég að þetta á að geta virkað.
Var reyndar að uppgötva í gærkvöldi að plús-skórinn á öðrum geyminum var laus, og ekkert hlaupið að því að herða hann – róin hert í botn en samt laus…. það skildi þó ekki hafa eitthvað með málið að gera 😉
…..farinn að kaupa nýjan póla-skó.
Rúnar, þú ert með spil á DC-inum þínum er það ekki ?
Hefurðu gert eitthvað sérstakt í sambandi við alternatorinn eða hleðsluna á honum til að spilið endist eitthvað meira en 1-2 mín. undir mátulegu álagi (draga sjálfan sig upp brekku) ?
Ég er á DC og fékk mér spil nýlega en mér finnst það ekki endast neitt, hleðslan er komin niðrúr öllu um leið. Alternatorinn virðist ekki ráða við að hlaða nógu hratt til að auka endinguna neitt að ráði.
Ég hef reyndar ekki neina reynslu af spilum á öðrum bílum, kannski er þetta bara eðlilegt ?Mér var sagt á rafverkstæði sem gerði upp startarann hjá mér, að það væri ekki einfalt mál að setja stærri alternator í DC?
Ég á reyndar eftir að láta tékka rafgeymana almennilega, en þeir hafa reynst ágætlega hingað til og ekki orðið var við vandamál annars.
Arnór
Ef ég giska rétt, þá er hann allavega virkur á spjallinu og myndasafninu hérna undir nafninu Birdie, og það er virkur þráður í gangi [url=http://www.f4x4.is/vefspjall/tradur.asp?t=4136:3fxdye7e]hér[/url:3fxdye7e] um breytingarnar á bílnum sem hann talar um þarna.
ég setti hana í staðinn fyrir öskubakkan undir útvarpinu.
Yaesu VX-2000 smellpassar allavega þar í.Arnór
Helgi Hrafn spyr hvaðan sú hugmynd sé kominn að nýji vefurinn ætti að vera tilbúinn miklu fyrr en samið hafi verið um.
Ég var líka með þennan misskilning í kollinum og fór að rifja upp hvaðan hann kom, því það virðist ljóst að fleiri standa í þessari meiningu.
Mig ‘minnir’ að ég hafi skilið þetta af orðum stjórnarmanns (Skúli minnir mig, frekar en Emil) á mánudagsfundinum í okt. eða nóv. þegar samningurinn var kynntur.
Þá fékk ég á tilfinninguna að þetta ætti að vera tilbúið fyrir áramót.
Ég hef sennilega misskilið málið eitthvað, eða þá að eitthvað hefur dottið óvart út úr stjórnanmanninum.Ég sé t.d. að í [url=http://www.f4x4.is/vefspjall/tradur.asp?t=4041:ponq33o8]þessum[/url:ponq33o8] þræði kemur skýrt fram hjá Emil að reiknað sé með að þetta verk taki allt upp í 1 ár !
Og munið bara þið sem eruð að gagnrýna vefsmiði (hvort sem þeir eiga það skilið eða ekki) að uppbyggileg og rétt fram sett gagnrýni er góð fyrir þá sem eru að vinna í þessu, allt annað er niðurdrepandi og minnkar bara áhuga manna á að vinna verkið vel.
Eða eins og Helgi Hrafn bendir sjálfur á þá kemur þetta bara illa út fyrir þann sem gagnrýnir.Mér finnst það reyndar virðingarvert að Castor menn tjái sig hér um málið, því það getur verið mjög varasamt og komið í bakið á þeim síðar.
Arnór
Eftir þessa tilfinningaþrungnu ræðu Elvars þorir maður ekki annað en að svara samviskusamlega 😉
Égg er með dísel á 38" með 5/29 hlutföll, en ég get tekið undir eyðslutölur Óskars Andra á bensínbílnum hér að framan, þ.e. 13-16 á sumrin, og 16-20 á veturna. Ég keyri reyndar yfirleitt mjög stuttar vegalengdir í bænum.
Vetrarferðirnar eyða svo að sjálfsögðu meiru.
T.d. eftir nýliðaferðina í Setrið um síðustu mánaðarmót, þar sem var í sjálfu sér ekkert sérstaklega erfitt færi, en þeim mun meira spænt í brekkur í góða veðrinu, þá fyllti ég á leiðinni uppeftir í Hrauneyjum og svo aftur í bænum nokkrum vikum síðar, þannig að það er þjóðvegaakstur og einhver bæjarakstur inní þessu en ekki mikill.
Eftir fyllingu mældist eyðslan ca. 26 lítrar/100 km.Arnór
Ef þú heyrir í mótornum, hvernig veistu þá að læsingin fari ekki á ?
Er það hugsanlega vegna þess að ljósið í mælaborðinu blikkar ennþá ?Ertu viss um að skynjarinn ofaná mótornum sé í lagi, hann bilaði hjá mér, reyndar á verri hátt – ég endaði á að keyra í bænum með læsingarnar á í 2 daga áður en ég áttaði mig. Það var sem betur fer hálka 😉
Arnór
Ekki gleyma að taka með í reikninginn skúffuna undir spilið (ef þú ætlar að nota það í prófíltengi) og svo rúllurnar/stýringuna framan á það.
Það er mismunandi hvort þetta fylgir með eða ekki, ég þykist vita t.d. að rúllurnar koma ekki með standard á Warn-spilunum, en þetta er eitthvað sem er nauðsynlegt að hafa nema þú ætlir bara að spila beint 😉
Arnór
Eitthvað rámar mig nú í að menn hafi verið í vandræðum með USB-Serial convertera í sambandi við GPS-tæki.
Hef reyndar ekki prófað það sjálfur en einhverntíman hefur verið umræða um þetta hérna.Arnór
Á heimasíðu Jörfí – í dagbók sem þeir héldu meðan á gosinu stóð (http://www.jorfi.is/04ggos.htm), þar kemur þetta fram:
"Þó sést að umbrot hafa orðið í Grímsvatnaskarði þar sem lítið gos hefur komið upp úr sigkatli (64°24,75’N, 17°13,85′). Gufumökk leggur upp úr katlinum sem er ílangur austur-vestur. Sprungur gætu leynst víða austan við vötnin en skyggni er lítið niður."
Spurning hins vegar hversu nákvæm þessi hnit eru?
Ég setti þetta inn á kort og sýnist þessi punktur nú vera heldur of norðarlega miðað við þessa mynd sem Skúli bendir á.Arnór
Ég þakka sömuleiðis fyrir frábæra helgi, og sérstaklega stóð náttúrulega laugardagurinn upp úr, enda frábært veður þá.
Í þessa ferð fóru um 30 bílar og rúmlega 60 manns, enda var þröngt í Setrinu, en ég held að flestir hafi nú verið nokkuð sáttir.
Við skiptum hópnum í 4 hópa og fórum á mismunandi tímum úr bænum á föstudeginum, en hittumst svo flestir við Sóleyjarhöfðavaðið sem Atli E og Björgvin höfðu kannað fyrir okkur fyrr um daginn eins og kemur fram hjá Atla hér að ofan. Vaðið var nú reyndar ekki mjög burðugt, en það dugði þó allavega vel fyrir allan hópinn þó aðeins hafi blotnað í förin sumstaðar.
Flestir eða allir voru svo komnir í Setur um miðnætti og gekk þetta eiginlega allt of vel. Þó brotnaði öxull í einum Bronco niður við vaðið og var hann skilinn eftir þar í bili. Það tókst þó að fá í hann varahluti og koma honum í bæinn á sunnudeginum, þó það hafi nú kostað einhver ævintýri hjá sumum á sunnudagsnóttina, krapafestur, affelganir og svona eitthvað fram eftir morgni.
Á laugardeginum héldum við hópaskiptingunni og skiptum liði, einn hópur fór í Nautöldu, einn í Klakk, einn fór upp í hólana ofan við Setrið í átt að jökli, og einn hópur stefndi að Loðmundi og umhverfi hans. Það var AtliE og hans hópur og eins og fram kom hjá honum hér að ofan, enduðu þau á Langjökli!!! – ég lét hann segja mér það nokkrum sinnum í símann áður en ég trúði honum 😉
Hinir þrír hóparnir fóru svo inn á einhverja aðra leið líka, þegar þeir voru búnir með sína áætlun.
Dagurinn var frábær – logn, frost og frábært útsýni, og frábært færi – hvað er hægt að biðja um meira….jú reyndar…meiri snjó, hann hefði mátt vera örlítið þykkari….vanþakklæti 😉Á sunnudagsmorgni var svo heldur farið að blotna í með slyddu og drifum við okkur, hver hópurinn á fætur öðrum yfir í Kerlingarfjöll og þaðan niður á Kjöl. Þar var komin ausandi rigning, og það var vægast sagt mjög blautt niður allan Kjöl og brjálæðisleg hálka á Bláfellshálsinum. Þetta gekk þó allt að mestu áfallalaust, nokkrar festur og smá sull eins og búast má við í svona færi, en reyndar fór drifskaft ásamt partur af millikassa undan 36" Wagoneer í hópi A. Hann var settur í spotta og dreginn í bæinn nokkuð vandræðalaust, þó ekki hafi nú verið auðvelt að draga bíl í klakanum upp Bláfellsháls.
Þetta var einn af þessum fáu dögum á fjöllum sem maður bölvaði því að hafa ekki nagla í dekkjunum, þeir virkuðu hjá þeim sem þá höfðu.
Okkar hópur, A var síðastur niður Kjöl og var ég allavega komin heim fyrir kl. 8 á sunnudagskvöldið.Takk aftur fyrir frábæra helgi, og vonandi skemmtu sér allir vel.
Arnór
Sæl Lísa,
þetta er þörf ábending, enda hefurðu væntanlega fengið póst í gærkvöldi frá mér um svipað leyti og þú settir þetta inn – ég sá ekki þráðinn fyrr en núna.
Það hafa verið miklar annir hjá fararstjórum í viðgerðum og öðru bulli….svo sem vinnu, sem er alltaf að þvælast fyrir áhugamálinu… og því dróst þetta svona.
Við reiknum svo með að hópstjóri hvers hóps hringi í alla í sínum hóp í dag og ákveði brottfarartíma, en ég geri þó ráð fyrir að flestir ætli að fara á morgun um kl. 17-18 frá Select á Vesturlandsvegi.
Arnór
Fór einhver um Sóleyjarhöfðavaðið núna um helgina eða í síðustu viku ?
Veit einhver um ástandið á því – er það ekki orðið vel frosið?Maður hefði haldið það eftir kuldann síðustu viku (og það virðist framhald á því) en það runnu eiginlega á mig tvær grímur þegar ég sá innslag Ómars Ragnars. í kvöldfréttunum þar sem Tungnáin var enn opin. Ég náði því reyndar ekki hvort það var núna um helgina eða um síðustu helgi.
Veit einhver meir ?
Arnór
Þessi ágæta smáfrétt kom á Stöð2 kvöld, þeir hafa nú smá húmor þarna á fréttastofunni
Jeppi lenti ofan í Rauðavatni
Ísinn á Rauðavatni gaf sig undan þunga jeppa sem ekið var út á vatnið í dag. Ökumaðurinn og farþegi hans björguðust giftusamlega. Töluverð umferð hefur verið um Rauðavatn að undanförnu en ungu mennirnir tveir voru hins vegar svo óheppnir að aka tiltölulega léttri jeppabifreið sinni ofan í vök. Það vildi þeim til happs að grunnt er til botns. Félagarnir biðu því þess sem verða vildi þar til ökumenn bar að garð með spotta sem dró þá á þurrt. Án þess að það tengist þessari frétt á nokkurn hátt þá má geta þess að fyrsti jólasveinninn kemur ekki til byggða fyrr en aðfaranótt 12. desember.Sjá hér:
http://www.visir.is/?PageID=38&NewsID=21369
Það er líka vídeóklippa þarna
Sæll Friðrik,
já þú þarft að vera félagi til að koma með, en það er lítið mál bjarga því ef þú ert ekki félagi, þú getur skráð þig hér á síðunni, eða á opnu húsi á fimmtudagskvöldum í Mörkinni (í salnum ofan við skrifstofu FÍ) Félagsgjaldið er 3900 á ári, og afslættirnir sem þú færð út á félagsskirteinið eru fljótir að borga það upp…ef þú þarft að kaupa einhverja varahluti og slíkt á annað borð.
Varðandi kostnað í ferðina þá er það ekki alveg endanlega ljóst, verður sennilega endanlega ákveðið í dag eða á morgun.
En er ekki klassískt að segja að "verði verður stillt í hóf", þá er ég að tala um +/- 5000 á mann, innifalið í því er þá skálagjald í tvær nætur og sameiginlegur matur á laugardagskvöldinu.Arnór
Sæll,
göngutæki er algjörlega nógu gott – sem slíkt, það eru mjög góð gæði á þeim – staðsetningarlega séð – gallin við þau er náttúrulega bara hvað það er vont að sjá á þau í bíl á ferð.
Þannig að þetta snýst meira um notkunarmynstur, ef þú t.d. reiknar með að nota yfirleitt ferðatölvu til að keyra eftir, þá skipti skjárinn á GPS-inu litlu sem engu máli.
Ég hef sjálfur notað Garmin GPS II+ handtæki á mælaborðinu, án aukaloftnets, með góðri reynslu í 5-6 ár og nota það nær eingöngu með ferðatölvu, en ef þörf hefur verið á, þá hef ég getað ‘reddað’ mér á GPS-skjánum, en það er ekki auðvelt þegar virkilega reynir á, en það fer náttúrulega eftir aðstæðum.
Í þau skipti sem virkilega hefur reynt á, eins og t.d. að keyra í snjóblindu á Vatnajökli án þess að sjá fram fyrir bílinn (ég þurfti að horfa á hraðmælinn á GPS-inu til að sjá hvort ég stæði nokkuð kyrr spólandi – sem kom nokkrum sinnum fyrir) þá er mikilvægast að tækið uppfæri sig nógu hratt, því það er alveg ótrúlega erfitt að keyra í beina línu eftir GPS. Það fengu allir að reyna sem voru með í þeirri ferð og prófuðu að vera fremstir. Það er auðveldara að fara í hringi en maður heldur 😉
Arnór
Svo ekki sé talað um Aukaraf og flest tölvufyrirtækin, allavega EJS – ég yrði ekki hissa þó þetta fengist orðið í BT líka – en það eru reyndar yfirleitt mest 150 W græjur, sem dugir reyndar fyrir flestar fartölvur.
