Forum Replies Created
-
Replies
-
Arnór Árnason , R-2088, 181268-5579
Sammála að það þarf að orða rökin betur í þessu bréfi.
Líka ein rök sem vinna gegn okkur, en verður að hafa í huga, það er að díselvélar endast yfirleitt lengur en bensínvélar.
Arnór
Þeir sem vilja gætu þá afþakkað prentuðu útgáfuna og fengið blaðið í tölvupósti á pdf-formi, og prentað út sjálfir það sem þeir vilja – þetta gæti lækkað dreifingarkostnað, og myndi duga mörgum, þó einhverjir vilji hafa blaðið á náttborðinu, þá dugar mörgum (t.d. mér) að lesa það í tölvunni.
Tölvan er hvort sem er opin 16 tíma á dag, hvort sem er í vinnunni á daginn eða í kjöltunni á kvöldinn.
Þetta er víst smá nöldur, en ég vil kalla þetta ábendingar/spurningar.
– Hvar er linkurinn á upplýsingar um færð – er búið að leggja það niður ? Þó það væri reyndar allt of lítið notað á gömlu síðunni, þá fannst mér þetta oft gagnlegt, þegar það var notað ??
Mig langaði t.d. til að benda mönnum á Skjaldbreiðina sem allt of fáir (bara sleðamenn) nýttu sér um helgina. Það er vægast sagt æðislegt færi þarna núna – hart undir og púður ofaná, og ótrúlega mikill snjór í hrauninu – ég mæli með að menn prófi að fara yfir hraunið og fari upp með fjöllunum vestan megin (vinstra megin) – það er fínn snjór í það núna og mjög gaman að fá aðeins annað sjónarhorn á þessa leið.– Myndaalbúmið ??? Verður ekki hægt að sjá ‘thumbnails’ á nýjustu myndunum ? Og verður ekki hægt að leita/raða í myndaalbúminu eftir notendum eða tímaröð, eins og hægt var í því gamla ? Mér finnst þetta ekki alveg nógu vel heppnað eins og er – á kannski eftir að klára þetta ?
Arnór
Hann er doldið hressilega útskeifur blessaður.
Eitthvað var nú myndin lítil – reynum aftur.
[url=http://birkir.nt.is/jsp/displayer.jsp?q=http://birkir.nt.is/ferdalag/myndir/2005_02_26_Skjaldbreid_med_mommu_og_pabba_skemmt_styri_velta_og_fl/Medium/DSC07916.JPG:riwfv2vi]Mynd[/url:riwfv2vi]
Arnór
Nei Benni, klafinn brotnar kannski ekki – hann fer bara svona í staðinn – man ekki hvað ég hef séð margar svona myndir, [url=http://birkir.nt.is/ferdalag/myndir/2005_02_26_Skjaldbreid_med_mommu_og_pabba_skemmt_styri_velta_og_fl/Tiny/DSC07916.JPG:119bzx8f]þetta[/url:119bzx8f]er sú eina sem ég man staðsetninguna á.
Arnór
Um hvað eruð þið að tala ?
Síðan er hýst á Akureyri !?!
Þó það sé langt í burtu, er ég nokkuð viss um að það sé ekki reiknað sem erlent niðurhal 😉
Er einhver sem sér fram á að þessi kerfisbreytingin gæti orðið hagstæð fyrir þá ?
Ég er búinn að vera að reyna að reikna mig fram í hagnað, eina leiðin sem ég sé (miðað við að verðið verði 102 kr./líter), er ef bíllin eyðir minna en 12 á hundraðið, og keyrir minna en 20 þús km á ári. (ég miðað alltaf við ódýrar leiðina af þeim tveimur sem nú eru í boði, þ.e. fastagjald er betra ef keyrt meira en 20þús á ári, en km-gjald annars.)
Þannig að þetta er greinilega bara hagstætt fyrir fólksbíla sem keyra bara innanbæjar…en gera samt ekki of mikið af því….!?
Jafnvel þó verðið verði 90 kr/líter, þá kemur maður bara út í hagnaði ef eyðslan er 15 á hundraðið eða minni, en það má samt ekki keyra yfir 20þús á ári.
….þetta er frekar lélegur díll !
Arnór
Þegar ég sendi bréfið á Geir Haarde sem sýnt er svar við hér að ofan, þá sendi ég cc á Runólf, framkvæmdastjóra hjá FÍB.
Hann svaraði mér, þakkaði fyrir og vildi nota spurninguna og svarið í FÍB-blaðið, þannig að einhvern áhuga hafa þeir nú á málinu.
Arnór
Það er einfalt mál að þetta er ólöglegt, og hægt að kæra þetta ef menn hefðu áhuga á því. Ég veit reyndar satt að segja ekki hvort það hafi einhvern tíman reynt á þau lög – en það er löngu kominn tími á það, því þetta er mun algengari en þið haldið.
Eftirfarandi er texti sem ég leyfi mér að fá að láni úr pósti sem kerfisstjóri Isnic sendir þegar hann fær svona óumbeðinn ruslpóst.
"Óumbeðinn" er lykilorðið, því ef þú hefur ekki beðið um (skráð þig) að komast á viðkomandi póstlista þá er pósturinn ólöglegur – það er ekki nóg eins og margir halda að pósturinn gefi þér möguleika á að skrá þig af honum.Hér er textinn:
Sending þessa tölvupósts er brot á fjarskiptalögum (nr. 81/2003), svo og lögum um húsgöngu og fjarsölusamninga (nr. 46/2000).Nánari skýringar:
Lög um fjarskipti, nr. 81/2003, 46. grein, 1. og 2. málsgrein:
Notkun sjálfvirkra uppkallskerfa, símbréfa eða tölvupósts fyrir beina markaðssetningu er einungis heimil þegar áskrifandi hefur veitt samþykki sitt fyrir fram.
Þrátt fyrir ákvæði 1. mgr. er heimilt að nota tölvupóstfang við sölu á vörum eða þjónustu fyrir beina markaðssetningu á eigin vörum eða þjónustu ef viðskiptavinum er gefinn kostur á að andmæla slíkri notkun tölvupóstfanga þeim að kostnaðarlausu þegar skráning á sér stað og sömuleiðis í hvert sinn sem skilaboð eru send hafi viðskiptavinurinn ekki þegar í upphafi hafnað slíkri notkun.– ATH. Athugið að þarna eru söluaðilar skyldugir til að gefa mönnum kost á því að mótmæla *skráningu*, ekki bara skilaboðunum sjálfum.
Lög um húsgöngu- og fjarsölusamninga, nr. 46/2000, 14. grein, 2. málsgrein:
Seljendum vöru og þjónustu sem lög þessi taka til ber, áður en bein markaðssókn er skipulögð, að kanna skrá Hagstofu Íslands yfir þá sem vilja ekki að nöfn þeirra séu notuð við markaðssetningu, sbr. ákvæði laga um persónuvernd og meðferð persónuupplýsinga. Hafi neytandi óskað eftir því að vera færður í skrána er bein markaðssókn til hans óheimil.
Arnór
Ég tók mig til áðan í bjartýniskasti um að geta breytt heiminum 😉 og skrifaði email til Geirs Haarde fjármálaráðherra sem er upphafsmaður frumvarpsins. Ég benti sérstaklega á klausuna sem eik bendir á hér að ofan.
Ég get nú ekki sagt að ég hafi búist við miklu, en hann svaraði eftir 20 mín. !!Svarið er að sjálfsögðu mjög pólitískt eins og búast mátti við, en það gefur smá von um að þetta verði endurskoðað þegar nær dregur.
Hann nefnir umfjöllun í Mogganum nýlega sem ég virðist hafa misst af, en miðað við þetta er nokkuð ljóst að eins og staðan er í dag, þá eru reikningar okkar hér að ofan réttir – þ.e. díselinn verður dýrari en bensínið
Svarið hans fer hér á eftir:
Sæll vertu Arnór.
Fyrirspurn þín um þetta efni er skiljanleg en ég svaraði spurningu um þetta atriði í Morgunblaðinu nýverið.
Hugmyndin með olíugjaldinu er vitaskuld sú að ná fram þeim þjóðhagslega sparnaði og þeim jákvæðu umhverfisáhrifum sem fylgja munu aukinni notkun díselolíu á kostnað bensíns. Frá upphafi hefur þess vegna verið gert ráð fyrir því að dísilolíulítrinn yrði eitthvað ódýrari við dæluna en bensínlítrinn og þannig var skattlagningin stillt af í fyrra
þegar lög um þetta efni voru samþykkt á Alþingi. (Virðisaukaskattur mun leggjast ofan á olíugjaldið með sama hætti og nú er varðandi bensíngjaldið). Ófyrirsjáanlegar sveiflur að undanförnu í innbyrðis verði á bensíni og dísilolíu hafa hins vegar, að því er virðist, raskað þessum
útreikningum að einhverju leyti, þótt notendur dísilbíla muni eftir sem áður njóta þess að þeirra bílar eyða almennt minna eldsneyti en bensínbílar. Ógerlegt er að fylgja öllum slíkum sveiflum eftir.
Gildistaka laganna er 1. júlí nk. og reglugerð um framkvæmd þeirra hefur verið gefin út. Afstaða verður tekin til þess áður en lögin taka gildi hvort einhverjar forsendur í málinu hafi raskast þannig að kalli á breytingar. Það mun skýrast með vorinu.
Með kveðju,
Geir H. HaardeArnór
Sáuð þið þetta – ég veit að það er gott færi, en þetta er náttúrulega fáránlegt.
http://www.visir.is/?PageID=111&NewsID=34505
Upp á Skjaldbreið á Porsche
Sportbíl, hönnuðum til að aka á hraðbrautum í Evrópu, var í fyrsta sinn ekið upp fjallið Skjaldbreið í dag. Og það var brunað upp brekkurnar.
Skáldin hafa í gegnum tíðina haft fögur orð um fjallið Skjaldbreið en fáum þeirra hefði líkega látið sér detta í hug að keyra upp hlíðar þess á fimmtán milljóna króna sportbíl. Það gerði Benedikt Eyjólfsson, eigandi Bílabúðar Benna, í dagi á Porsche 911.
Harðfenni og góðar aðstæður voru á fjallinu og átti bíllinn, sem er fjórhjóladrifinn og á vetrardekkjum, ekki í nokkrum vandræðum. Hann brunaði upp. Eftir tveggja tíma ferð var toppnum náð, 1060 metra hæð. Þar voru svo teknar myndir fyrir Porsche í Þýskalandi, væntanlega í auglýsingaskyni.
Það er óhætt að segja að ökumaðurinn hafi verið ánægður með ferðina og ekki síst bílinn. Hann sagði ótrúlegt að hægt væri að fara á bifreið sem byggð væri fyrir þýsku hraðbrautirnar og næði allt að 300 kílómetra hraða upp á ísilagðan Skjaldbreið.
Arnór
Ég er sammála Vals hér að ofan – að það er ljótt að vera kominn á opinberan sakalista með grun um að hafa svikist um að borga – sem ég gerði þó þann 1.feb. og skemmti mér svo konunglega með Fast og AtlaE ásamt kóurum.
En til að fá smá jákvæðni í þennan þráð, þá vil ég að það kom fram að ég, Fastur og fleiri tókum að okkur nýliðaferð í Setrið síðastliðið haust og það kom mér mjög skemmtilega á óvart hvað vel gekk að rukka menn og konur þá.
Það voru 100% skil, hvort sem menn skráðu sig snemma eða seint…menn bættu við farþegum á síðustu stundu og greiddu um hæl.
Ég reyndist reyndar hafa gullfiskaminna og reyndi með harðri hendi að rukka suma tvisvar – en menn tóku því nú bara vel.Miðað við þessa sögur af Þorrablótinu þakka ég bara mínu sæla fyrir hvað "nýliðar" reynast skilvísir – takk fyrir það.
Arnór
Það kemur fram hjá AtlaE á öðrum þræði hérna á spjallinu (Hvar kaupir maður 350 vél), að hann hringdi í Ríkisskattstjóra og fékk þetta staðfest.
Svarið var svona:
45 kr. + 24.5% vsk. + kannski 1-2 kr. álagning frá olífélögunum.Samtals: ca. 57.5 kr. sem bætist við hvern líter!!!!
Og leggjum þetta við núverandi verð sem er 44,70 (atlantsolía), þá fáum við út : ca. 102 kr./líter.
Núverandi verð á bensíni hjá Atlantsolíu: 97,2 kr./líter sem þýðir að dísel verður ca. 5% dýrara en bensín !!!!
Þetta er náttúrulega út í hött – ég er til í mótmæli – ætlar stjórnin eitthvað að láta í sér heyra opinberleg út af þessu ?
kv.
Arnór
Það er eitthvað skrýtið að gerast með DNS-mál fyrir síðuna.
Það virðist vera að breytast dns fyrir f4x4.is úr 157.157.138.44
í
82.221.55.134sem virkar alls ekki fyrir síðuna!!
Sú fyrri er hjá simnet.is, og hún virðist virka núna, en sú seinni er hjá skrín á Akureyri, en sú tala virkar alls ekki eins og er allavega.
Ég er hjá hive og varð var við það fyrr í kvöld, að annar nafnaþjónninn þeirra var með réttu töluna, en hinn með ranga, en núna um miðnætti virtist þetta breytast í að báðir voru með ranga tölu. Ég kíkti á fleiri nafnaþjóna hér innanlands og þeir virðast allir vera búnir að læra ranga tölu, þannig að væntanlega komast fáir inn í augnablikinu (vonandi sér samt þetta einhver sem hefur með málið að gera !)
Arnór
Er einhver leið að fá þessa ferla á Nobeltec-formati Einar ?
Arnór
Ég, Fastur og AtliE erum nýlega komnir í bæinn eftir einn af betri dögum á fjöllum í gær.
Við gistum í góðu yfirlæti hjá AtlaE og Lindu í Gnúpverjasveitum á föstudagskvöldið og lögðum snemma á Laugardaginn af stað í átt að Sóleyjarhöfðanum.Rúmlega 3 tímum síðar vorum við komin í Setrið, þ.e. um hádegi. Það er langt síðan við höfum fengið annað eins færi á fjöllum, það voru helst einn og einn skipaskurður sem truflaði einbeitinguna þegar við silgdum framhjá á næstum því 3 stafa tölu hraða.
Við ákváðum svo að taka forskot á Hofsjökulsrallið og komumst upp á mettíma. Tókum hring uppi á topp, fram á brún bæði norðan og vestan megin – en útsýnið var ótrúlega mikið þó einvher háský væru farin að láta sjá sig. Meðal annars sást austur á Herðurbreið, Kverkfjöll og Snæfell!
Á leiðinni niður tókum við krók meðfram jökulröndinni og þræddum okkur eftir hólunum í jökuljaðrinum austur að Setri og vorum þar um 5 til 6-leytið, en um leið kom ský yfir og smá þoka.
Eftir frábæran mat, skruppum við norður fyrir Nautöldu í pottinn en það toppaði algjörlega frábæran dag.Kærar þakkir Lúddi og co. fyrir matinn – hann var frábær.
Arnór
Hjartanlega sammála þessu, þetta er ótrúlega falleg mynd. Sterkir og óvenjulegir liti í óvenjulegri birtu.
Það væri gaman að sjá hana í stærra formi – mæli með henni sem forsíðumynd á Setrið.
Hefur eitthvað heyrst í Lúther í kvöld ?
Hvort Sóleyjarhöfðinn sé fær ?AtliE segir mér að það sé þunnfrosið og svo kominn föl yfir alla krapapolla þarna á Suðurlandinu svo þeir sjást illa. Þannig að það gæti orðið dáldið stuð að sjá þá og þræða í kringum þá á morgun og laugardag
Arnór
