Forum Replies Created
-
Replies
-
40 grein er nokkuð opin og virðist eiga við einkavegi líka til að byrja með en þegar talað er um að ákvörðunum sveitarstjórna megi skjóta til Vegamálastjóra þá finnst manni að þetta geti ekki átt við um einkavegi enda hefur Vegagerðin ekkert um þá að segja.
Einkavegir hér á landi eru örugglega ekki margir en þeir eru aðeins eitt tilfellið. Hvað með slóða eða troðninga sem hafa myndast í gegnum tíðina sem ekki hafa beint verið lagðir peningar í, eru þeir "eign" landeiganda, þeir teljast jú til vega ?
Reyndar rennur mig í grun að þessi mikla aukning á lokunum á vegum sé vegna aukinnar umferðar torfæruhjóla og fjórhjóla, það eru ansi margir sem þola bara ekki lætin sem fylgja þessum stórskemmtilegu tækjum …..
kveðja
Agnar
ég hef sama skilning og þið um almenna vegi (lagðir af Vegagerðinni að hluta eða öllu). Það sem ég er að hugsa um eru einkavegir sem lagðir eru af landeiganda og liggja td í gegnum landareign og tengja hugsanlega saman tvo almenna vegi !
kv
AB
góða kvöldið
Vegna lækkana undanfarna daga á heimsmarkaðsverði á hráolíu er alveg nauðsynlegt fyrir félagsmenn að fylgjast vel með verðbreytingum olíufélaganna, enn mikilvægara en þegar verðið fór upp.
Ég fór aðeins að skoða eldsneytisverð aftur í tímann, þróun ísl.kr á móti dollar og heimsmarkaðsverð á hráolíutunnunni (fór í 130 $ tunnan í dag) og miðað þær forsendur ætti rétt verð núna á díseldropanum að vera ca
——– 194 kr með fullri þjónustu ——–
Þetta bjánalega sjálfafgreiðslutilboð hjá N1 (og hinum olíufélögunum) er eiginlega bara að trufla frekari verðlækkanir sem urðu í dag og etv næstu daga. Aðeins sjálfafgreiðsluverðið hefur verið lækkað og önnur tilboð eða afslættir gilda ekki á meðan (sem er vont fyrir okkur félagsmenn F4x4). Þegar þetta tilboð rennur út er hætt við að lækkanirnar síðustu daga skolist eitthvað til.
Ég vil alla vega sjá í kringum 194 kr/l með fullri þjónustu vera algengt verð um leið og þessu tilboði lýkur …… Það verður síðan mjög áhugavert að gera annan svona samanburð þegar fatið fer í 120$ til að ath hvort olíufélögin séu að standa sig.
góða nótt
kv
Agnar
góða kvöldið
Í veglögum er meðal annars fjallað um akstur um og lokanir vega utan þjóðvegakerfisins, 40 grein fjallar þannig um þá vegi sem falla ekki undir neinn vegflokk (þjóðvegum er skipt í vegflokka) og er sérstaklega fjallað um lokun (opnun) þeirra þar. 40 grein er orðrétt svona:
„40. gr. Nú liggur vegur, stígur eða götutroðningur yfir land manns og telst eigi til neins vegflokks og er landeiganda þá heimilt að gera girðingu yfir þann veg með hliði á veginum en eigi má hann læsa hliðinu né með öðru móti hindra umferð um þann veg nema sveitarstjórn leyfi. Ákvörðun sveitarstjórnar skv. 1. mgr. má leggja undir úrskurð vegamálastjóra. „
Á þessi grein ekki einnig við um einkavegi ? Ef svo er er þá ekki eina leiðin fyrir landeigendur til að loka einkavegum að fá það samþykkt hjá sveitastjórn ?
…… mér finnst þetta nú ekki beint vera kýrskýrt í lögunum !
kveðja
Agnar
sælir
Þessi fellihýsi halda engu vatni en það er bara eitt vað á leiðinni og það er alveg við Landmannalaugar, það lítur oft sakleysislega út en getur verið glettilega djúpt í miðjunni, ef þú ferð til hliðar í vaðið þá er það yfirleitt grunnt og fínt.
Vegurinn inneftir Sigölduleiðinni er oft mikið þvottabretti og getur verið leiðinlegur en að öðru leiti ætti þetta að vera pís og keik.
kveðja
Agnar
sé það núna, þetta er væntanlega í kjölfarið á því að N1 ákvað að gefa þennan tímabundna afslátt.
Það kemur fram í smáaletrinu hjá N1 að engir aðrir afslættir eða tilboð gildi á meðan þannig að það er spurning hvort dælulyklarnir eða aðrir sambærilegir afsláttarmiðar séu í gildi á meðan !
Annars er þetta nú varla samanburðarhæft þar sem þetta gildir bara í nokkra daga og staðfestir raunar hvað samningur F4x4 við Skeljung frá síðustu áramótum var í raun góður, við erum jú raunar alltaf með þennan "tímabundna 5 krónu afslátt" allt árið um kring
kveðja
Agnar
sælir
Þetta er nú tóm steypa hjá þér er það ekki !
Shell lækkaði verðið í dag um 5 kr sem þýðir að verð með þjónustu er í dag 193,6 kr/literinn. 12 króna afsláttur af því gerir 181,6 kr/l til F4x4.
Skora á þig að finna svo lágt verð með öllum þeim afsláttum sem þú getur fundið annars staðar
kveðja
Agnar
Ég hef látið org loftinntakið duga í sullið inn í Mörk og víðar en ég hef svo sem ekkert verið að sækjast eftir meiri dýpt en þarf hverju sinni. Vatn á ekki auðvelda leið að því þó það vísi fram, það er svo mikið drasl fyrir framan það og gúmmí kantur undir húddinu.
Orginal lokurnar eru bestar en fáránlega dýrar nýjar, betra að fara í Ægis lokurnar. Menn eru að eyðileggja org lokurnar held ég með því að keyra í ófærum í Auto stillingunni. Orginal duga fínt fyrir 38".
kv
Agnar
sælir
það er engin síkkun á bitanum hjá mér, boltast bara beint innan á grindarbitana. Reyndar er minn bíll boddýhækkaður sem skýrir etv af hverju þetta gæti verið öðurvísi hjá þér en hjá mér.
kv
AB
ps er ekki fljótlegast fyrir þig að hringja bara í Prófílstál og spyrja þá ?
sæll aftur
Ef ég skil þig rétt þá kemur spilbitinn (prófíllinn) yfirleitt undir stuðarann, svoleiðis er þetta á mínum 2001 bíl (grind frá Prófílstál) og sama má segja um 2006 bíl félaga míns.
Svona er þetta á mínum bíl (ath að kaðallinn er aðeins til skrauts 😉
[img:37yapbz4]http://images109.fotki.com/v780/file8Kpk/91a35/7/762268/6048502/IMG_8383.jpg[/img:37yapbz4]
Ef þú setur þessa slóð inn í vafrarann þinn þá færðu stærri mynd – http://images109.fotki.com/v780/file8Kp … G_8383.jpg
hvaða árgerð ?
já þetta er oft skrautleg umræða og sérstaklega þegar menn eru að bera saman epli og appelsínur. Það er nú smá glettnistónn í þessu hjá Ólafi og hann getur alveg verið ánægður með að Fordinn sinn í þessa notkun, get ekki ímyndað mér að Patrol sé hentugasti bíllinn í að draga hjólhýsi, hvorki aflega né eyðslulega séð enda er vélin í honum of lítil í svoleiðis æfingar þó hann skili sér nú alltaf á áfangastað.
Það er eiginlega tilgangslaust að bera saman gamla 2.8 Patrolinn og nýja 3.0 lítra, sá nýji er þyngri og 3 lítra vélin er sannanlega eyðslufrekari, sérstaklega þegar borið er saman beinsk 2.8 Patrol á org hlutföllum (1:4.62) á móti sjsk 3.0 Patrol á 1:5.42 í langkeyrslu, það er ójafn leikur.
Ég hef átt nokkra 38" 2.8 patrol með eldra boddýinu og þeir sem voru á org hlutföllum eyddu í kringum 13-14, sá sem ég átti sem var á 1:5.42 eyddi í kringum 16 og það virtist ekki skipta neinu máli hvort það var í bænum eða í langkeyrslu.
Svo er enn einn vinkillinn en það er Patrol með 2.8 með nýja boddýinu en eyðsluna á þeim þekki ég ekki neitt.
Ég bíð spenntur eftir Benna Ak þegar hann segir okkur frá eyðslutölunum á 80 krúser en þær virðast vera svipaðar og á Corollu …..
kveðja
AB
sælir
Velkominn í hóp ánægðra Patrol eiganda, Patrolinn eyðir ekki olíu heldur notar hana 😉 Ég er með 2001 bíl breyttan fyrir 44" en keyri á 38 MTZ á sumrin. Ég er með beinsk bíl á 1:5.42 hlutföllum.
Ég myndi giska á að hann eyði hjá mér í venjulegum akstri hér innanbæjar í kringum 17 en þetta er ágiskun þar sem ég hef aldrei mælt það (mælirinn er ekki réttur fyrir 38").
Beinsk eyðir minna en sjsk, sérstaklega á fjöllum og hann eyðir meira á lægri hlutföllum en orginal á 38 tommunni. 38" hentar ekkert sérstaklega vel fyrir 1:5.42 hlutföllin eyðslulega séð þar sem hann er á frekar háum snúning.
Síðustu helgi ók ég ca 1000 km á Vestfjörðum á 38" með bílinn fullan af fólki og drasli, það var talsverður vindur og var á köflum ekið stíft ásamt því að mikið af þeirri vegalengd var ég með dekkin í 12 pundum. Eyðslan var eitthvað um 18 á hundraðið.
Eyðslan í langkeyrslu á löglegum hraða er 15-16 á 44" (mælt).kveðja
Agnar
Góðan dag
Mér sýnist nú á öllu að eigendur Kersins séu nú etv bara að ná sér í auka aur auk þess sem þeim blöskrar nú alveg örugglega hvernig svæðið er orðið útlítandi. Hér hafa nokkrir skrifað sem hafa augljóslega einhverja fjárhagslegra hagsmuna að gæta af ferðaþjónustu (massatúrisma) og eru að sjálfsögðu á móti öllum boðum og bönnum (skiljanlega) enda hafa þeir ríkra hagsmuna að gæta í þessum málum. Einn kallar eftir hugmyndum að fleiri náttúruperlum sem hægt er að taka undir ferðamannastrauminn og menn benda á að hægt sé að gera stíga og setja upp bönd til að skoða fyrirbærin án þess að skemma þau. Menn kalla til sögunnar stóra og fræga þjóðgarða máli sínu til stuðnings og róma skipulagið og reglurnar þar, allir labbi nú þægir í röð meðfram böndunum þar.
Ég verð nú að segja að fyrir mér er þessi tegund ferðamennsku, massatúrisminn, ekkert sjálfsagt fyrirbæri sem allir eiga að beygja sig undir og samþykkja. Í mínum augum hafa Geysir og Gullfoss verið "virkjaðir" undir þennan massatúrisma og skiptir mig þá engu hvort þessir blessuðu saklausu ferðamenn labbi á sléttum og helmerktum stígum eða ekki, svæðið er hvorki náttúrulegt lengur né óspjallað. Það breytir litlu í mínum augum hvort hveranibburnar séu óspjallaðar eða ekki þegar 500 manns labba eftir malbikuðum stíg innan girðingar í 5 metra fjarlægð frá honum á hverjum degi.
Við erum fyrir löngu búin að missa þessa merkilegu staði í hendur massatúrismans og fáum þá aldrei aftur. Þeir eru mengaðir á hverjum degi af rútum, átroðningi massans og hamborgarafýlu 😉
Þetta er í mínum augum hvorki sérlega umhverfisvænn iðnaður né eins sjálfsagður og menn vilja vera láta og ég ætla að vona að útbreiðsla hans verði heft í sem lengstu lög svo "við hinir" sóðarnir, Íslendingar og erlendir gestir sem kjósa að ferðast og upplifa landið á eigin forsendum og á tiltölulega heilbrigðan hátt (svo langt sem það nær) getum haldið okkur í fjarri þessum vályndu stöðum. Hversu margir ykkar fara á Gullfoss og Geysi á laugardegi bara af því ykkur langar svo að skoða þessa staði (nema auðvitað þegar erlendur gestur er í heimsókn) ?
Kannski eru þessar skoðanir einstrengislegar, eigingjarnar, jafnvel þjóðernislegar og kannski óraunhæfar, jú einhvers staðar verðum við að fá tekjur í þetta þjóðarbú, en hversu langt eru menn tilbúnir að ganga ? Ég er td skíthræddur við þessa þjóðgarða sem menn róma svo mikið. Ég get bara ekki séð neitt náttúrulegt eða skemmtilegt við það að kaupa sér tilbúna upplifun af náttúrunni þar sem menn mega horfa en ekki snerta. Kannski er ég bara einn um þessa skoðun ?
bestu kveðjur
Agnar
sæll Kjartan
Ég var með slökkvitæki afturí í gamla Patrolnum hjá mér, fest við innréttinguna þar til hliðar við afturhlerann. Fékk aldrei aths við þetta í skoðun enda er þetta fínn staður og mjög vel aðgengilegur.
kveðja
Agnar
ég hef ekki mjög miklar áhyggjur af því að olíufélögin séu að maka krókinn óhóflega þessa dagana, ég ætla þó að hafa meiri áhyggjur þegar olían fer að lækka í lok 2009 ….. hætt við menn freistist þá til að verða seinir til !
kv
AB
Ég var að þvælast á þessu svæði um helgina bæði labbandi og akandi og það er mjög stopult samband þarna. Bóndinn í Hænuvík sagði mér einnig að endurvarparnir frá Símanum væru stefnuvirkir út á sjó en samband hafi batnað þónokkuð þegar Vodafone setti upp endurvarpa þarna á sama stað. GSM frá Símanum var í sambandi hjá mér svo lengi sem ég var í sjónlínu við Patreksfjörð en varla meira en það. Vonafone var nú reyndar ekki mikið betri fannst mér nema á fjallstoppum.
Annars var fínt gsm samband við sunnanverð björgin, við Stálfjall, í Skor, Keflavík og við Látrabjarg en það samband kemur væntanlega frá Snæfellsnesi.
Ég prófaði ekkert NMT þar sem hann er eitthvað bilaður hjá mér sem stendur.
Svo má nú til gamans bæta því við að staðarhaldararnir í Breiðuvík hafa ekki séð sjónvarp í 10 ár þannig að kannski eru of miklar kröfur að biðja um gsm samband þarna 😉
kv
Agnar
Takk fyrir gott svar, ákkúrat það sem ég var að leita eftir.
Ég held ég haldi mig bara við að sofa í góðum svefnpoka þegar ég kemst ekki í rafmagn en ég væri til í svona Zodi til að prófa.
Er einhver að selja þetta hér heima, þetta er ekki available á heimasíðunni hjá þeim.
kveðja
Agnar
þetta er sniðugt en það þyrfti að modda þetta aðeins fyrir íslenskt veður. Þetta lítur nú samt doldið út eins og þetta sé heimatilbúið hjá einhverjum þúsundþjalasmið þarna úti 😉
Ef Trumatic er gasmiðstöð af hverju er hún þá spör á rafmagn ? …… ekki alveg að skilja.
Hvar fæst svona og hvað kostar þetta ?
kv
Agnar
