Forum Replies Created
-
Replies
-
Þá er maður að fatta þetta.. Líst vel á þetta, bestu þakkir.
Hjölli.
Gott mál, takk fyrir þetta. Ætla að skoða þetta betur, en er ansi hræddur um að hafa ekki pláss fyrir þetta alltsaman, þetta er orðinn svoddann turn: Soggrein – millistykki – 2bbl Holley blöndungur – hiclone – lofthreinsari!!! Komið langt uppúr húddinu!
Annað var það, lítill fugl hvíslaði að mér að K&N síur væru að fara illa með túrbínur, leysast upp í einhverjum ögnum og enda inni í viðkvæmum kerfum með slæmum afleiðingum. Þarf maður að óttast um ventlana á Bronco með K&N síu, eða eru þetta tómar kerlingabækur?
Kveðja, Hjölli.
Er Mudderinn ekki fáanlegur í 36" stærð?
Hjölli.
Sæl öll.
Það er nú kannski að bera í bakkafullan lækinn að velta Hiclone meira fyrir sér, en eitt hef ég ekki fundið í umræðunni um þennan búnað. Þetta kemur fram á heimasíðu sem vísað er í hér á síðunni: „Hiclone er stálhólkur með leiðiblöðum sem settur er inn í loftinntak vélarinnar milli loftsíu og soggreinar.“ Nú er ég með blöndungsvél og eins og lög gera ráð fyrir (á gamalli línu) blöndunginn ofan á soggrein og síu þar ofan á. Er útbúinn hólkur sem Hiclone búnaðurinn er settur í þannig að hann komi á milli síu og blöndungs, eða er búnaðurinn einfaldlega settur þar á milli? Mér þætti gott að frétta af þessu, ef þetta er eins gott og margir vilja að vera láta langar mig að prófa þetta, Hiclone og flækjur gætu líklega hjálpað rellunni minni töluvert.
Bestu kveðjur, Hjölli.
Sæll vertu.
Ég sá DC á 36" eyða 15l á hundraðið og uppúr hjá kunningjafólki mínu, það fór mikið eftir því hvort það var frúin eða karlinn sem sat við stýrið. Broncoinn minn eyddi svo mun minna þegar farið var að láta reyna á bílana, þá saup DC ansi hraustlega á! En hann skilaði líka ágætlega og skorti ekki kraft, en lítið var búið að eiga við vélina.
Kveðja, Hjölli.
Sæll, hvað kostaði þessi gangur hjá Toyota?
Kv. Hjölli.
Sæl öll.
Ég gaf konunni minni apparat til að grafa í gler, málm og allan skrambann í afmælisgjöf og fékk hann svo lánaðan hjá henni til að merkja allt lauslegt á Bronconum, kastarana og fleira. Þennan penna fékk ég í einhverrri föndurverslun í borginni og virkar ágætlega til hins arna. Skoðiði þetta endilega, ekkert vit í öðru en að merkja sér hlutina rækilega.
Annað var það, fyrir tilstilli þessarar fínu síðu fann ég Bronco fyrir bróður minn sem er búinn að leita lengi að góðu eintaki en ekkert fannst fyrr en ég komst í samband við þetta fína fólk sem hér er að finna! 4×4 á gott eitt skilið fyrir að halda þessu úti. Góð síða, góð ráð, gott fólk.Bestu kveðjur, Hjölli.
Sæl öll.
Beint að efninu. Hlutföllin í original 3ja gíra kassanum sem ég er með í Bronconum eru sem hér segir;
1. gír 3.41:1
2. gír 1.86:1
3. gír 1:1en hlutföllin í C-4 skiptingunni sem er að brjótast í mér meðal annars sem staðgengill fyrir kassann eru þessi:
1. þrep 2.46:1
2. þrep 1.46:1
3. þrep 1:1Eiga þeir sem vit hafa á von á því að bíllinn verði mikið latari af stað ef ég læt vaða á skiptingu við 200 línuvélina sem í trukknum er? Þetta er ekki mikill munur, en einhver þó og maður vill jú fá sem mest út úr greyinu. Annað mál en skylt, þekkir einhver snillingurinn hlutföllin í Hilux gírkassa frá árinu 1985?
Bestu kveðjur, Hjölli.
Man eftir lítið eknum 3 l. Trooper í minni familíu þar sem fór hedd, túrbína, olíuverk og fleira smálegt á einu ári þrátt fyrir lítið krefjandi notkun! En það var nú alveg hreint ótrúlegt dæmi og hlýtur að hafa verið tilfallandi…
Kveðja, Hjölli.
dettur mér einnig eitt í hug, er gott kítti einhver vörn gegn affelgun sem stólandi er á?
Kveðja, Hjölli.
Tilvitnun: "Þó ég hiti hann, þá verð ég stundum að halda áfram að starta honum og þá tekur hann við sér með svona prumpugang og reykir eins og andskotinn meðann hann er að komast yfir prumpið."
Eru síur örugglega í lagi? Og engin vaxmyndun á ferðinni? Oft gott að byrja á einfaldari hlutunum…
Hjölli.
fyrir þetta Þórir og Einar. Diskalæsingar vil ég ekki sjá en líst alls ekki illa á ARB, það gæti verið lausnin fyrir pyngjuna og bílinn!
Lásakveðjur, Hjölli.
skal það vera ef vel á að vera. Enginn vafi.
Kveðja, Hjölli.
Hvar fæ ég þessa True Track lása og hvernig virka þeir, loft eða rafmagn? Loftlásar eru kannski eina vitið, bara svo skrambi dýrir! Þórir, hvað áttu við með að stækka liðina, eru þeir veikur hlekkur í 44? Ég er búinn að láta reyna mikið á eldspýturnar í dana 30 hásingunni og þeir eru heilir enn…
kveðja, Hjölli.
var það heillin. Þetta er ´66 Bronco, allar upplýsingar í " skoða notanda". Ég er með hálfgerða No-spin fóbíu síðan ég var með svoleiðis í Hilux, og þar sem þetta er allradagabíllinn minn er lítið vit í No-spin held ég, kemur svo niður á snattakstri..
Kveðja, Hjölli.
þakkir fyrir þetta alltsaman. Þá eru það bara læsingarnar, hvað reynist vel í Dana 44 og 9" Ford og hvað skal forðast?
Kveðja, Hjölli.
Sæl öll.
Mig langar að hrauna á ykkur nokkrum spurningum:
Hvernig sé ég hvaða hlutföll eru í Dana 44 framhásingu?
Hvernig læsingarbúnaður hefur reynst best í 9″ Ford og Dana 44?
Hvaða hlutföll ráðleggja fróðir við þessar aðstæður:
Bíllinn er núna á 33″ dekkjum með original hlutföllum (3.41:1 fyrsti, 1.86:1 annar,og 1:1 þriðji gír. Öxlahluföll sennilega 3.50:1) og mig fýsir að vita hvaða hlutföll skal velja fyrir 36″ dekk þannig að vinnsla verði svipuð og áður?Bestu þakkir, Hjölli.
Sæll.
Esso stöðvarnar selja vatnskassahreinsi sem virkar ágætlega, en ekki man ég hvað hann heitir.. Hann er í lítilli blikkdollu sem er rifin upp að ofanverðu, mig minnir að til sé þéttir frá sama framleiðanda í eins pakkningum. Bölvanlegt að muna ekki hvað þetta heitir! Kíktu á þetta, hann virkar nokkuð vel.
Kveðja, Hjölli.
eiga dýrin að vera vinir (og eru þó menn ræði málin). Mér er spurn, þar sem ansi vinsælt er að eyða degi í að bruna upp á jökulinn (einnig af undirrituðum sem blessunarlega hefur ekki lent í neinu slæmu öðru en nokkuð slæmri bilun á svæðinu) hvort hér þurfi ekki að skýra línurnar með einhverjum ráðum? Það er kannski ekki hlaupið að því að "úthluta" ákveðnum hópum ákveðnar brautir þarna upp en þarf ekki að finna milliveg, þið vitið, til að dýrin séu vinir! Hverjir ættu að koma að slíkum umræðum, þjóðgarðsvörður, nokkrir fulltrúar jeppafólks og Snjófellsmenn? Þegar stórt er spurt…
Bestu kveðjur, Hjölli.
næst ekki fram með viðhorfi eins og því sem kemur fram í þessari setningu hér: "Maður sýnir ekki virðingu nema maður fái strax virðingu á móti". Þetta er svipað gáfulegt eins og að hugsa með sér: "Djöfull ætla ég ekki að lækka háa geislann fyrr en sá sem ég er að mæta lækkar geislann hjá sér"… Þetta finnst mér ekki rétta hugarfar þeirra sem ferðast mikið og þurfa þessvegna að eiga samskipti við tugi manna hingað og þangað um landið, hvort sem það er Snæfellsjökull eða hvað.
Bestu kveðjur, Hjölli.
