Forum Replies Created
-
Replies
-
Hef grun um að gott og vel flæðandi millihedd, langar flækjur og óslitinn tor upp að 750 cfm (eins og fyrr segir) geri heilmikinn mun á þessari vél sé það ekki til staðar nú þegar. Tiltölulega ódýr framkvæmd, en gerir helling.
H
Gamalt, hraust og traust. Endist og eyðir. Gomma af aftermarket á góðu verði um allt alnetið. Ef ekki glamrar illa í ventlum og í undirlyftum (held örugglega að það séu vökvaundirlyftur eins og í 302) þegar bíllinn er kaldur er ekkert illt á ferð.
H
Sæl öll.
Hversu mikið veikari er gírkassi úr ’91 diesel Hilux heldur en úr ’98 diesel bíl? Ég þarf að skipta um kassa í ’98 bíl og á góðan ’91 kassa. Bíllinn er 35″ breyttur turbo intercooler og ansi oft með kerru og það jafnvel þunga. Er munurinn slíkur að hér sé sjálfhætt við eða er sáralítill munur?
Kv, Hjörleifur.
Ég hljóp út í skúr, haldandi að gamli hefði stolist upp á fjöll og farið sér að voða. En nei, hann hímir úti þolinmóður. Eru gömlu jepparnir ekki annars oftast bundnir við skúrinn?
Hjörleifur.
Skemmtileg lesning um diskalása á ferðinni hér fyrr í þessum forna þræði. Þar er þó reyndar minnst á Powerlock diskalása en ég var einmitt að reyna Broncoinn um daginn í fyrsta sinn með slíkum búnaði með nýjum diskum. Fyrir 1700 kg bíl á 33", fjandi gott. Fann ekki annað en að hann læsti að framan þegar á reyndi. Lumar ekki einhver á No spin eða sambærilegu fyrir 9" 28 rillu? Á ekki annað en Trac Lock, reyndar með nýjum diskum, en ég held að það reynist ekki jafn vel og Powerlock. Gæti þó munað um það..
Hjörleifur.
Það get ég sagt ykkur feðgum að ekki verðið þið sviknir. Langavatnsdalurinn er einn sá magnaðasti staður sem ég heimsæki og kem ég þar tvisvar til þrisvar á ári. Ég mæli með því að þið akið inn að Tjaldbrekkum til að drekka kaffið og gangið þaðan inn í Borgarhraun. Farið með kveðju frá mér.
Kveðja,Hjörleifur.
Við hjónin viljum senda okkar dýpstu samúðarkveðjur til þeirra sem eiga um sárt að binda eftir atburðina á Langjökli. Hugur okkar er hjá drengum, sendum honum okkar baráttukveðjur.
Hjörleifur og Anna.
Hjörleifur, ekki Óli.
Takk fyrir þetta.
H
Elli!
Útbjóstu deilistykki eða opnaðirðu deilirinn á einhvern hátt?
Hjörleifur.
P.s. Flækjurnar hjá Óla hanga enn…
Sæl öll.
Ég er með ónýtan hleðslujafnara undan Nissan Double Cab, Navara, í höndunum. Ég er búinn að taka hann í sundur til að skoða gúmmíin, sem reyndust góð að sjá, en armurinn sem stýrir jafnaranum er ónýtur og stilliboltinn brotinn. Get ég afnumið jafnarann með því að fjarlægja úr honum öll gúmmí nema það sem yst er? Ég geri mér grein fyrir að hann bremsar þá fullmikið að aftan óhlaðinn.
Kveðja, Hjörleifur.
Freyr negldi það. Gættu þess bara að versla gott lím, Húsasm. og Byko eru bæði með bölvað glundur. Wurth límið er gott í verkið eins og Freyr bendir á.
Kv, Hjörleifur hobby/fúsk bólstrari.
Ég man eftir umfjöllun og myndum úr gömlu "Bíllinn" um IH á beltum. Máske kannast einhver við það?
Hjörleifur.
Enginn smeykur um að prófíllinn rífi sig frá grindinni? Er ekki töluvert átak frá boddyinu þar sem það ýtir ofan á boddypúðann.
Hjölli.
Sæll.
Ég á hana meira að segja til.. 30 hásinguna er ég hinsvegar búinn að gera upp, diskavæða og dekstra á ýmsan hátt.. Held mig á þeim slóðum.
Hjörleifur.
Sæl öll.
Fyrir margt löngu keypti ég mér diskalæsingu í Broncoinn, þ.e. læsingu í 9″ Ford sem búið var að breyta úr 31 rillu í 28 rillu læsingu. Ekki svosem í frásögur færandi, nema að nú langar mig í læsingu að framanverðu en finn ekkert til sölu hér á landi. Ekki er ástandið gott til innflutnings svo ég velti fyrir mér hvort breyta megi no spin læsingu eða sambærilegri fyrir dana 44 til að fungera í dana 30 þar sem ég tel mun aðveldara að finna læsingu í dana 44 heldur en 30.. Nema að þetta skiptið verði ég heppinn og einhver lumi á lás í dana 30, 27 rillu?
Kveðja, Hjörleifur.
Seint gleymi ég þegar kviknaði í Lada Sport bifreið bróður míns utan við hús eitt sem hann byggði fyrir nokkrum árum. Nágranni kom æðandi inn og hrópaði til hans að bíllinn brynni. "Hvað ertu að segja" var svarið og út var hlaupið eins og sá svarti sjálfur elti, bílhurðinni svipt upp og símaskránni bjargað úr brennandi bílnum. Svo var haldið áfram vinnu.
Hjölli.
Þarna varð skammhlaup í heila hjá undirrituðum. Þarna átti ég við Jaka, ekki Dreka.
Hjörleifur.
Sæl öll.
Týndi bensínloki við skálann við Langjökulröndina í dag. Yrði hinn glaðasti ef einhver hefði eða mun reka í það augun og hóa í mig.
Hjörleifur, 8987504
Sæl öll.
Er í basli með Nissan DC ’98. Snúnings, hita, eldsneytis, hraða og km mælir tolla ekki inni, geta verið inni einhverja stund en ekki virkað lengi þess á milli. Er með mælaborðið í lúkunum, sá ekkert að í fljótu, tengdi það aftur, virkaði ekki, þ.e. ekki fyrr en ég bankaði létt í það.
Einhver sem veit hvað er að og getur jafnvel bent á partasala sem rífur þessa?
Kv, Hjörleifur
