Um leið og við óskum stóru bílunum góðrar ferðar hefjum við skráningu í gps-ratleik Litlunefndar sem fer fram laugardaginn 27. mars n.k.

Um er að ræða dagsferð og ekki hægt að segja frá ferðatilhögun, þar sem um ratleik er að ræða.  Gera verður ráð fyrir að ferðatilhögun geti breyst frá því sem ákveðið hefur verið, þar með talið að ferðinni verði frestað eða hún felld niður vegna óhagstæðrar veðurspár, eða af öðrum ástæðum, samkvæmt ákvörðun fararstjóra.

Það kostar ekkert að taka þátt og allir eru velkomnir, bæði félagsmenn og aðrir. Litlunefndarferðir miðast við lítið breytta og óbreytta jeppa og eru engar takmarkanir á því svo lengi sem jeppinn hefur hátt og lágt drif.  Ákvarðanir fararstjóra um leiðarval og fleira miðast við þetta.

Ekki er nauðsynlegt að vera með gps tæki til að taka þátt í leiknum, en óneitnalega er skemmtilegra fyrir þátttakendur að hafa slíkt tæki til að geta fylgst með.

Á döfinni er að Arctic Trucks í samstarfi við Litlunefndina haldi námskeið í rötun og notkun GPS tækja.  Námskeið er tvískipt, fyrri hlutinn, grunnnámskeið er 2 kvöld og verður það 22. og 23. mars n.k.  Síðari hlutinn er framhaldsnámskeið og verður það 30. mars n.k.

Við hvetjum félaga okkar til að sækja þetta námskeið.  Næsta Litlunefndarferð, sem verður 27.mars n.k. verður í formi ratleiks og þá er nauðsynlegt að geta notað gps tækið sitt fljótt og örugglega.  Dagsetningar námskeiðanna miða einmitt við þessa ferð.

Við minnum á myndakvöld úr ferð Litlunefndar í Kerlingarfjöll 20. febrúar sem verður í dag fimmtudaginn 25. febrúar kl 20:30. Myndakvöldið verður í opnu húsi hjá Ferðaklúbbnum 4×4 að Eirhöfða 11, Skemmu 3.

• Nokkur myndasöfn úr ferðinni sýnd
• Hefðbundin umræða um jeppamennsku

Eftir myndasýningu verður létt umræða um jeppaferðir og upplagt fyrir nýliða að taka þátt í henni með spurningum og samræðum.

Það var mikið í gangi á bensínstöð Skeljungs við Vestulandsveg þegar rúmlega 50 bílar í ferð Litlunefndar í Kerlingarfjöll voru að gera sig klára laugardagsmorguninn 20. febrúar. Þessi ferð markaði tímamót fyrir það að vera fyrsta ferð Litlunefndar þar sem þátttakendum var skipt upp í tvo hópa með sitt hvora ferðalýsinguna. Minni bílarnir í hópnum sem voru um þrjátíu talsins stefndu á að fara Kjöl og upp í Kerlingarfjöll, en stærri bílarnir um Leppistunguleið um Hrunamannaafrétt og upp í Kerlingarfjöll.

Litlanefnd minnir á að í kvöld fimmtudaginn 18. febrúar kl. 20:30 verður kynningarfundur vegna ferðar Litlunefndar 20. febrúar í Kerlingarfjöll. Fundurinn er í félagshúsnæði Ferðafélagsins 4×4 að Eirhöfða 11, Skemmu 3. Á fundinum er farið yfir ferðaplan, grunnbúnað í jeppaferðum, akstur jeppa á hálendinu og fleira sem tengist ferðinni.

Búið er að skipta þátttakendum í tvo hópa og bílar með 38” og stærri dekk munu fara Leppistunguleið upp í Kerlingarfjöll, en almennir þátttakendur Kjalveg. Nánar verður farið í þessa ferðatilhögun á fundinum. Fararstjórar sem komast á fundinn, verða kynntir.

Litlanefndin heldur í dagsferð laugardaginn 20. febrúar n.k. og er skráning hafin.

Áætluð leið liggur frá Reykjavík um Geysi og Gullfoss inn á Kjalveg og upp í Kerlingafjöll og næsta nágrenni.  Áætlað er að halda til byggða við Geysi.  Gera verður ráð fyrir að ferðatilhögun geti breyst, þar með talið að ferðinni verði frestað eða hún felld niður vegna óhagstæðrar veðurspár, eða af öðrum ástæðum, samkvæmt ákvörðun fararstjóra.

Það kostar ekkert að taka þátt og allir eru velkomnir, bæði félagsmenn og aðrir. Litlunefndarferðir miðast við lítið breytta og óbreytta jeppa og eru engar takmarkanir á því svo lengi sem jeppinn hefur hátt og lágt drif.  Ákvarðanir fararstjóra um leiðarval og fleira miðast við þetta.

Undirbúnings og kynningarfundur verður í húsnæði ferðaklúbbsins að Eirhöfða, á opnu húsi, fimmtudagskvöldið 18. febrúar, kl. 20:30. Á kynningarfundinum verður farið yfir leiðaval og helstu öryggisatriði kynnt, auk grunnnámskeiðs í jeppamennsku fyrir þá sem hafa áhuga á því.

Hér er að finna upplýsingar um ferð Litlunefndarinnar á morgun

Athugið að skráningum hefur verið lokað í janúarferð Litlunefndar.  45 bílar hafa skráð sig til þátttöku auk fararstjóra og ekki séð að sá fjöldi fararstjóra sem við höfum yfir að ráða hafi yfirsýn yfir stærri hóp.  Því hefur skráningum verið lokað.

 Munið eftir að í kvöld er kynningarfundur í í félagsheimili F4X4 að Eirhöfða 11.  Fyrir þátttakendur kl. 20:30 og fyrir fararstjóra kl.  20:00.

Litlanefnd 

Við minnum á myndakvöld úr ferð Litlunefndar á Langjökul 21. nóvember sem verður í opnu húsi hjá Ferðaklúbbnum 4×4 að Eirhöfða 11, Skemmu 3 í dag fimmtudaginn 26. nóvember kl 20:30. Þessi ferð var frábær og fjölbreytnin mikil. Það ættu því líklega að koma í kvöld nokkrar góðar myndir.

• Nokkur myndasöfn úr ferðinni sýnd
• Umræða um jeppamennsku

Eftir myndasýningu verður létt umræða um jeppaferðir og upplagt fyrir nýliða að taka þátt í henni með spurningum og samræðum.