FERÐAKLÚBBURINN 4X4
Menu

„Millibílaferð“ á Langjökul

by

Laugardaginn 14. febrúar verður farið í svokallaða „Millibílaferð“ á Langjökul.

Ferðin er tilraun á vegum Ferðaklúbbsins 4×4 og er skipulag ferðarinnar í höndum meðlima Litlunefndar. Tilgangurinn er að kanna áhugann á því að koma upp ferðum fyrir jeppa sem eru meðalmikið og mikið breyttir og er miðað við dekkjastærð 35″. Sú stærð miðast þó við þyngdarhlutfall og er ekki sjálfgefið að stærri og þyngri bílar fái að fara með þrátt fyrir að vera á 35″ dekkjum. Einnig er mögulegt að gera undanþágu fyrir mjög létta bíla á minni dekkjum en 35″. Til leiðbeiningar þá er miðað við að Patrol 35″ sé í lagi, en þyngri bílar á 35″ ekki.

Ferðin verður farin laugardaginn 14. febrúar og er stefnan tekin á Langjökul. Ekki er búið að ákveða hvar verður farið upp og niður af jöklinum, en það verður auglýst síðar.

Þar sem um tilraun er að ræða verður fjöldi bíla í ferðinni takmarkaður.

Góðar viðtökur hafa verið við millibílaferð klúbbsins. Nú þegar er orðið fullt í ferðina og hefur verið lokað fyrir skráningu.

Mæting er á laugardaginn við Skeljung á Vesturlandsvegi klukkan 8:30.

Ekki verður haldin kynningarfundur vegna ferðarinnar, en þátttakendur munu á næstuni fá sendan tölvupóst með frekari upplýsingum um ferðina og tilhögun hennar.

Haustferð Litlunefndar – Skráningu lokið

by

Lokað hefur verið fyrir skráningu í haustferð Litlunefndar.

Vegna skorts á hópstjórum verður að takmarka fjölda þátttakenda við þá sem þegar hafa skráð sig.

Við bendum á kynningarfund vegna ferðarinnar sem haldin verður í félagsheimili ferðaklúbbsins að Eirhöfða, á morgun, miðvikudag 22.10. klukkan 19:30

Sjáumst hress annað kvöld

Litlanefndin

 

Marsferð Litlunefndar – Aflýst

by

Marsferð Litlunefndar sem fara átti þann 22. mars næstkomandi á Reykjanes hefur verið aflýst. Ástæða þess er bæði óhagstæð snjóalög á svæðinu og eins annir meðlima Litlunefndar.

Í staðinn stefnum við á stórglæsilega ferð í Landmannalaugar þann 12. apríl og höfum þá fimmtudaginn 17. apríl (Skírdag) sem varadag ef veður verður óhagstætt þann 12.

Við munum setja skráningu af stað þegar nær dregur og verður það auglýst hér á vefnum og fésbókarsíðu Litlunefndar.

Bestu kveðjur

Litlanefndin

 

Skráning hafin í febrúarferð Litlunefndar

by

Laugardaginn 15. febrúar næstkomandi stefnir Litlanefndin á að fara upp í Veiðivötn.

Við hvetjum alla áhugasama til að koma með okkur, en við höfum einmitt fengið spurnir af því að færðin uppeftir sé áhugaverð og spennandi.

Skráning er hafin og hana má finna hér á vefnum

Kynningarkvöld verður haldið miðvikudaginn 12. febrúar í félagsheimili klúbbsins að Eirhöfða 11 klukkan 20:00

 

Sjáumst hress,

Litlanefndin

 

Janúarferð Litlunefndar

by

Nú er komið að fyrstu ferð Litlunefndar 2014, en hún verður farin laugardaginn 18. janúar næstkomandi.

Að þessu sinni er stefnan sett á Skjaldbreið og er ætlunin að reyna að nálgast hana að sunnanverðu. Fyrirkomulagið verður það sama og venjulega. Við hittumst á Stöðinni við Vesturlandsveg klukkan 8:30 og röðum okkur í hópa. Þaðan förum við upp á Þingvelli og inn á nýja veginn um Lyngdalsheiði og keyrum aðeins inn á hann. Fljótlega tökum við svo vinstri beygju og inn á slóða sem leiðir okkur inn á Gjábakkaveg framhjá Vörðunni. Við keyrum svo þá leið inn að Skjaldbreið að sunnaverðu og upp á hana eftir því sem færð og snjóalög leyfa. Hvert við förum svo er ekki ennþá ákveðið en nokkrir möguleikar eru í stöðunni. Ef við verðum heppin með færi og komumst öll upp á Skjaldbreið er mögulegt að fara niður norðanmegin og inn á Línuveg og á Þingvelli um Meyjarsæti. Ef ekki gengur að komast upp þá er líka mögulegt að fara Eyfirðingaleið í vestur og koma að Sandkluftavatni og þaðan niður á Þingvelli eða jafnvel niður í Skorradal. Ákvörðun um endanlegt leiðarval verður tekið af fararstjórum ferðarinnar þegar þar að kemur.

Skráning í ferðina er í fullum gangi á nýja vefnum og við viljum benda á að hún er með breyttu sniði frá því sem áður var. Nú nota almennir þátttakendur sama form og hópstjórar en merkja við ef þeir eru hópstjórar. Við minnum á að til þess að geta verið hópstjóri hjá Litlunefnd, þá þurfið þið að vera skráð sérstaklega á hópstjóralista Litlunefndar. Ef þið eruð ekki skráð á þann lista en hafið áhuga að taka þátt í þessu skemmtilega og gefandi starfi þá hvetjum við ykkur til að hafa samband við okkur gegnum  Litlanefnd@f4x4.is.

Að lokum viljum við minna á kynningarfund vegna ferðarinnar sem haldinn verður í félagsheimili klúbbsins að Eirhöfða 11 þar sem farið verður nákvæmlega yfir ferðatilhögun. Fundurinn hefst klukkan 20:00 en við viljum biðja hópstjóra að mæta fyrr, eða klukkan 19:30

Bestu kveðjur og sjáumst hress.

Litlanefndin.

Jólaferð með Einstök Börn.

by

Laugardaginn 7. desember næstkomandi stendur til að fara í jólaferð með félaga í „Einstök Börn“. það er Ferðaklúbburinn 4×4 sem stendur fyrir ferðinni í samstarfi við félagið Einstök Börn, sem er stuðningsfélag barna og ungmenna með sjaldgæfa sjúkdóma. Litlanefndin hefur tekið að sér að standa fyrir skipulagningu ferðarinnar, en til að allt gangi upp er þörf á um 20-23 sjálfboðaliðum sem eru tilbúnir að leggja til bíla og tíma sinn í þetta góða málefni, en reiknað er með  að það komi 2 til 3 farþegar í hvern bíl. Ferðaplanið er óákveðið ennþá en miðað er við að fara dagsferð á einhvern jökul hérna í nágrenninu og því þurfa bílarnir að vera í öflugri kantinum.

Þeir sem hafa áhuga að taka þátt í þessum viðburði eru vinsamlegast beðnir um að senda póst á Litlanefnd@f4x4.is og tilgreina gerð ökutækis og dekkjastærð og hve marga farþega viðkomandi getur tekið.

Ef veðurútlit verður óhagstætt þann 7. desember er 8. desember hafður sem varadagur.

Fyrir þá sem vilja kynna sér það góða starf sem unnið er í félaginu Einstök Börn er bent á heimasíðu félagsins:  www.einstokborn.is

Með bestu kveðju og von um góðar undirtektir

Litlanefndin.

Skráning hafin í ferð Litlunefndar í Kerlingarfjöll 9. nóvember.

by

Nú er búið að opna skráningarform fyrir ferð Litlunefndar í Kerlingarfjöll þann 9. nóvember næstkomandi. Langtímaspáin er góð og því er allt útlit fyrir skemmtilega og vel heppnaða Litlunefndarferð að þessari perlu á milli Hofsjökuls og Langjökuls.

Búið er að opna skráningarsvæði á vefnum og hvetjum við alla til að skrá sig sem fyrst. Frestur til skráningar rennur út miðvikudaginn 6. nóvember klukkan 22:00.

Kynningarfundur vegna ferðarinnar verður haldin í félagsheimili ferðaklúbbsins að Eirhöfða 11 klukkan 20:00 miðvikudaginn 6. nóvember.

Skráningarsíðuna má finna hér.

https://old.f4x4.is/index.php?option=com_seminar&Itemid=285

Athugið að velja almenna skráningu þar sem hópstjóraskráningin er eingöngu ætluð fyrir fyrirfram skilgreinda hópstjóra Litlunefndar. Ef þið hafið hins vegar komið með okkur í einhverjar ferðir og hafið hug á að gerast hópstjórar, þá vinsamlegast sendið póst á Litlunefndina.

 

Litlanefnd í Kerlingarfjöll

by

Næsta ferð Litlunefndar verður farinn þann 9. nóvember næstkomandi. Að þessu sinni er stefnan sett á Kerlingarfjöll. Að sögn kunnugra er kominn einhver snjór á þessum slóðum og frostaspá framundan. Það er því allt útlit fyrir góða ferð og hvetjum við alla til að skrá sig í ferðina, en opnað verður fyrir almenna skráningu á föstudaginn 1. nóvember.

Bestu kveðjur og sjáumst hress

Litlanefndin

Myndakvöld Litlunefndar

by

Myndakvöld Litlunefndar verður haldið á opnu húsi fimmtudaginn 3. október í félagsheimili Ferðaklúbbsins 4×4.  Húsið opnar kl. 20:00 og eru allir velkomnir.
Allir sem fóru í síðustu ferð Litlunefndar í Hungurfit eru hvattir til að mæta með myndir úr ferðinni. Til að flýta fyrir myndasýningunni er gott er að taka aðeins til í myndum og eyða út endurteknum og ónýtum áður en komið er með myndirnar.
Boðið verður upp á kaffi og meðlæti á myndakvöldinu.

Myndakvöld Litlunefndar

by

Litlanefndin þakkar þátttakendum og fararstjórum fyrir stórskemmtilega en jafnframt lærdómsríka ferð í Landmannalaugar á laugardaginn. Þátttakan var mjög góð, um 50 bílar og komust allir bílar inn í Laugar í björtu og góðu veðri, en köldu. Ekki komust samt allir bílar heilir heim samdægurs og getum við dregið góðan og ganglegan lærdóm af því.

Við munum halda myndakvöld með myndum úr ferðinni í opnu húsi fimmtudaginn 21. mars klukkan 20:00 í félagsheimili klúbbsins að Eirhöfða 11 og eru allir velkomnir. Fólk er hvatt til að taka sínar myndir með á lykli og verða þær sýndar. Gott er samt að renna yfir myndirnar og grisja misheppnaðar og endurteknar myndir út til að flýta fyrir.

Við hvetjum alla til að mæta og sjáumst hress annað kvöld

Kveðja, Litlanefndin