Félagi okkar Elín Björg Ragnarsdóttir vill benda félagsmönnum Ferðaklúbbsins 4×4 á að það verður opinn fundur á vegum umhverfisnefndar Alþingis á föstudaginn.

Staður:   Austurstræti 8-10
Stund:    föstudaginn 4. mars 2011, kl. 16:00

Dagskrá:

1. Verndaráætlun Vatnajökulsþjóðgarðs
    Gestir
2. Önnur mál.

Fundurinn skal opinn almenningi á meðan húsrúm leyfir sbr. 3. gr. reglna um opna fundi fastanefnda Alþingis.
Elín verður líklega fulltrúi ferðafrelsisnefndar (ef hún kemst vegna anna) og þar með á gestalistanum þó ekki víst.
Nú er um að gera að fjölmenna á fundinn og hlusta á Ellu og segja sinn hug á kurteislegan hátt.
Flott ef klúbbfélagar sem hafa tök á að mæta merki sig klúbbnum. Það eru til límmiðar á skrifstofunni ef Ragna hefur tök á að afhenda þá.

Sjá meira um málið á þessum tenglum.

http://www.althingi.is/vefur/nefndadagskra.html?nfaerslunr=9953
http://www.mbl.is/frettir/forsida/2011/03/02/opinn_fundur_um_verndaraaetlun/
http://www.althingi.is/vefur/reglur_opnir-fundir

Formaður Ferðafrelsisnefndar
p.s. sem kemst ekki vegna annara erinda

The post Fundur með Umhverfisnefnd Alþingis appeared first on Ferðaklúbburinn 4x4.

Opnaður hefur verið vefurinn www.ferdafrelsi.is Þetta vefsvæði á eftir að stækka og eflast, en til að byrja með verða á vefnum kynnngarupplýsingar um landssamtökin Ferðafrelsi. Í framtíðinni er stefnt á að hafa á vefnum öflugt upplýsingaumhverfi með ítarefni um ferðafrelsi og náttúru íslands. Allar ábendingar um vefsvæðið eru vel þegnar og hægt að senda okkur hugmyndir og tillögur á ferdafrelsi@gmail.com. Landssamtökin Ferðafrelsi voru stofnuð 1. desember 2010 og nýr vefur hinna nýstofnuðu samtaka fer í loftið 1. janúar 2011.

Guðmundur G. Kristinsson

The post www.ferdafrelsi.is komið í loftið appeared first on Ferðaklúbburinn 4x4.

Á stjórnarfundi landsamtakanna Ferðafrelsi í kvöld 20. desember var ákveðið að vera með opinn fund mánudaginn 27. desember kl. 20:00 í húsnæði Ferðaklúbbsins 4×4 um drög að breytingum á náttúruverndarlögum. Skila þarf athugasemdum um drögin í síðasta lagi 7. janúar til umhverfisráðherra. Allir áhugasamir aðilar um þetta málefni eru velkomnir á fundinn. Fundarstjóri verður Guðmundur G. Kristinsson. Hér má sjá samantekt um akstur og leiðir (skoða)

The post Opinn fundur um breytingar á náttúruverndarlögum verður mánudaginn 27. desember í húsnæði F4x4 appeared first on Ferðaklúbburinn 4x4.

Í gær þann 1. desember 2010 voru stofnuð ný landssamtök um almannarétt, útivist og verndun náttúru Íslands undir nafninu Ferðafrelsi. Þessi dagsetning var valin sérstaklega vegna þess að hún tengist frelsisbaráttu þjóðarinnar um sjálfstæði og er því táknræn um þá baráttu fyrir ferðafrelsi á Íslandi sem stofnaðilar samtakanna standa í þessa dagana. Stofnun þessara nýju landssamtaka byggir í grunninn á samstarfi margra útivistaraðila, ferðþjónustufyrirtækja og ferðtengdra aðila um baráttu fyrir almannrétti til ferðafrelsis í Vatnajökulsþjóðgarði sem staðið hefur yfir síðustu mánuði. Stofnaðilar samtakanna töldu mikla þörf á að setja samstarf þeirra sem ferðast á vélknúnum farartækjum, fara um á hestum og þeirra sem reka ferðaþjónustutengd fyrirtæki í hálendisferðum í formlegan farveg. Þeir aðilar sem standa að þessum nýju samtökum hafa þegar hrundið af stað nokkrum verkefnum og má þar nefna:

The post Ferðafrelsi stofnað – ný landssamtök um ferðafrelsi appeared first on Ferðaklúbburinn 4x4.

Grein úr Mbl. eftir Snorra Ingimars sem birtist föstudaginn 22. október, 2010

(Tenging á greinina í Morgunblaðinu)

 Fjalla- og jeppamenningin hefur verið í mikilli þróun á undanförnum
árum og þá ekki síst vetrarferðir. Mér finnast þær jafnvel skemmtilegri en ferðalög að sumrinu til enda er
óvissan og ögranirnar meiri,“ segir Snorri Ingimarsson, jeppamaður og verkfræðingur.
Mikil gróska í sportinu
Þúsundir Íslendinga stunda jeppaferðir yfir vetrartímann. Hefur verið mikil gróska í því sporti undanfarna
áratugi þó heldur minni sl. tvö ár. Bílarnir verða stöðugt betri og sífellt er verið að prófa nýja hluti. Mörg
verkstæði eru sérhæfð í jeppabreytingum enda þótt merkustu nýjungarnar komi jafnan fram hjá þeim sem
fást við breytingar heima í bílskúr.

The post Vetrarferðir fyrir landnemana appeared first on Ferðaklúbburinn 4x4.

Þá er hinn táknræni viðburður „Jarðarför á ferðafrelsi Íslendinga“ yfirstaðinn. Fyrstu bílar sem flestir voru í Hjálparsveit Ferðaklúbbsins 4×4 fóru af stað á föstudeginum og gistu margir í Hólaskógi, en þangað mætti síðan restin af Hjálparsveitinni snemma á laugardagsmorgni. Haldið var snemma dags af stað upp að Kistuöldu og Hjálparsveitarflokkum komið fyrir á ýmsum stöðum til að beina umferð í rétta átt og við Kistöldu að stjórna því hvar bílum væri lagt.

The post Vér mótmælum öll appeared first on Ferðaklúbburinn 4x4.

Nú er undirbúningur fyrir jarðarförina á ferðafrelsinu í Vonarskarði næsta laugardag kominn á fullt. Prentaðir hafa verið auglýsingaborðar um þetta verkefni sem þurfa að fara á alla bíla hjá félögum í Ferðaklúbbnum 4×4. Þetta er fljótleg og örugg leið til að vekja athygli á þessum merka viðburði. Borðana er hægt að nálgast á verkstæði Jóns Snælands sem er Vagnhöfða 7 á Ártúnshöfðanum (sama bílaplan og hjá Stál og stansar) og hann getur aðstoðað við að setja þetta á bílinn. Það eru tvær stærðir til (60×20 cm og 45 x15 cm) og fólk getur valið hvaða stærð henti. Gert er ráð fyrir að setja borðana á afturrúðu, en fyrir þá hörðustu geta þeir líka sett á hlið bíla beggja megin. Þetta er tækifæri hins almenna félagsmanns til að koma skilaboðum til fjöldans. Það ætti enginn félagsmaður að aka um bæinn án þessa borða.

The post Jarðarfararborða á alla bíla félagsaðila F4x4 appeared first on Ferðaklúbburinn 4x4.

Á fundi ferðafrelsinefndar (með aðkomu fjölda félagasamtaka) í kvöld var skipað í framkvæmdanefnd fyrir verkefni útivistarfélaga á Íslandi um að halda stærstu jarðarför fyrr og síðar í Vonarskarði 2. október kl. 13:00. Í nefndinni eru Unnar Garðarsson, Davíð Ingason, Einar Haraldsson, Jón Snæland, Guðmundur G. Kristinsson og Sveinbjörn Halldórsson sem fer fyrir nefndinni.

The post Fyrsta aðgerð er jarðarför á ferðafrelsi í Vonarskarði 2. október appeared first on Ferðaklúbburinn 4x4.

Samkvæmt bréf frá Vatnajökulsþjóðgarði sem sent var til þeirra sem gerðu athugasemdir um drög að reglugerð um Vatnajökulsþjóðgarðs kemur í ljós að ekki er tekið tillit til athugasemda Ferðaklúbbsins 4×4 í neinum efnum. Aðeins er breitt orðalagi varðandi Heinabergsdal, en lagt er til að allar lokanir standi eins og var í drögunum.

Með tilvísun í Árórasamninginnsegir í bréfinu frá Vatnajökulsþjóðgarði „hafa útivistarsamtök góða aðstöðu til að fylgjast með mótun áætlana og hafa áhrif á innihald þeirra“ og einnig „Einnig er að finna í gögnum svæðisráða ítarlegar upplýsingar um þá fjölmörgu fundi sem haldnir hafa verið“.