Stórferð Ferðaklúbbsins 4×4.

Stórferð Ferðaklúbbsins 4×4.

Stórferðin dagana 6. – 9.mars 2014

Fimmtudaginn 6. mars er förinni heitið í Hrauneyjar (eða á aðra nálæga gististaði) en eins og fram kemur í eftirfarandi auglýsingu
Föstudaginn 7.mars  er áætluð brottför kl. 8:30 frá Hrauneyjum og stefnan tekin á Miðju Íslands.  Þaðan förum við í Laugafell þar sem í boði verður ljúffengt kakó/kaffi í boði Eyfirðinga.

Þaðan er förinni heitið niður í Skagafjörð í þá gistingu sem menn hafa pantað sér.
Laugardaginn 8.mars er skemmtidagur og byggir hann á því að fara í fremur þægilegan stuttan (4 – 5 tíma ef áætlanir standast) dagstúr og enda á Blönduósi, ekki liggur fyrir á þessari stundu hvaða leiðarval verður fyrir valinu en það skýrist þegar nær dregur.

Reiknað er með að leggja af stað kl. 10:30 frá Varmahlíð. Laugardagskvöldið verður haldið hátíðlegt á Blönduósi  þar sem við  munum við gæða okkur á þriggja rétta máltíð sem við skolum niður með einhverri „hressingu“. Bílar verða á svæðinu  til að skutla mönnum á milli staða þ.e. frá gististað að matsölu og til baka.

Á Blönduósi verður ferðinni formlega slitið.

Heimferð eftir vali hvers og eins þ.e. Kjölur eða bara malbikið.

Opnað hefur verið fyrir skráningu á vef félagsins old.f4x4.is (skráning í ferðir)  Þeir viðmiðunarferlar sem undirbúningshópurinn mun leggja til í samvinnu við norðandeildir F4x4 verða gerðir aðgengilegir í gegnum síðu klúbbsins þegar nær dregur ferðalaginu.

Þátttökugjald er kr. 7000 og er þess óskað að menn geri skil á þeirri greiðslu eigi síðar en 14. febrúar ef þeir ætla að halda plássinu. Innifalið í gjaldinu er máltíðin og skutlið á Blönduós.