FERÐAKLÚBBURINN 4X4
Menu

Vatnajökulsþjóðgarður hundsar allar athugasemdir – loka skal öllum leiðum

by

Samkvæmt bréf frá Vatnajökulsþjóðgarði sem sent var til þeirra sem gerðu athugasemdir um drög að reglugerð um Vatnajökulsþjóðgarðs kemur í ljós að ekki er tekið tillit til athugasemda Ferðaklúbbsins 4×4 í neinum efnum. Aðeins er breitt orðalagi varðandi Heinabergsdal, en lagt er til að allar lokanir standi eins og var í drögunum.

Með tilvísun í Árórasamninginnsegir í bréfinu frá Vatnajökulsþjóðgarði „hafa útivistarsamtök góða aðstöðu til að fylgjast með mótun áætlana og hafa áhrif á innihald þeirra“ og einnig „Einnig er að finna í gögnum svæðisráða ítarlegar upplýsingar um þá fjölmörgu fundi sem haldnir hafa verið“.

Sumarhátíð F4x4 verður 17. júlí á Þórisstöðum í Svínadal

by

Sumarhátíð Ferðaklúbbsins 4×4 verður haldin með pomp og pragt á Þórisstöðum í Svínadal 17. júlí. Farið er yfir Dragann frá Hvalfirði í áttina að Skorradal til að komast á Þórisstaði í Svínadal eða til hægri áður en farið er yfir Borgarfjarðarbrú (að sunnan). Hátíðin sjálf verður 17. júlí, en tjaldstæði er frátekið á ákveðnum stað fyrir félagsmenn Ferðaklúbbsins frá 16. júlí til 18. júlí.

Tjaldstæðin eru ókeypis fyrir félagsmenn frá föstudegi til sunnudags, en greiða þarf kr. 400 á sólarhring fyrir rafmagn. Hægt er að fá gistingu í svefnpokaplássi (kr. 3000 fyrir manninn í tveggja manna herbergi, kr. 4000 fyrir einn í herbergi).

Hægt er að spila golf (10 eða fleiri saman fá afslátt) og veiða í vatninu gegn gjaldi (frítt fyrir aðila með Veiðikortið). Margar skemmtilegar gönguleiðir eru á svæðinu. Seinagengið (Hjörtur og félagar) hefur umsjón með framkvæmd á dagskrá. Heimasíða Þórisstaða með nánari upplýsingum og vegakorti er á vefsíðunni http://thorisstadir.is/)

Dagskrá laugardaginn 17. júlí
Kl. 10:00 – Hátíðin sett
Kl. 11:00 – Bíltúr í nágrenninu (óvissuferð)
Kl. 15:00 – Leikir og fjör fyrir alla fjöldskylduna
Kl. 18:00 – Kveikt í grillinu (gert ráð fyrir að gestir komi með á grillið)
Kl. 18:30 – Sameiginlegt borðhald
Kl. 22:00 – Hljómsveitin Króm með létt barna- og unglingaball í samkomuhúsinu
Kl. 23:30 – Hljómsveitin Króm með dansleik fyrir fullorðna í samkomuhúsinu

Sendið umhverfisráðherra mótmælapóstkort gegn lokunum á ferðaleiðum

by

Nú er komið að því að senda yfirvöldum alvöru skilaboð. Við mótmælum lokunum á Vonarskarði, Heinabergsdal, Vikrafellsleið og leiðum í Jökulheimum og á Tungnaáröræfum sem eru í verndaráætlun um Vatnajökulsþjóðgarð.

Til að undirstrika persónulega þessi mótmæli er hægt að fara inn á old.f4x4.is/motmaeli og senda umhverfisráðherra og stjórn Vatnajökulsþjóðgarðs persónulegt mótmælapóstkort.

Verndaráætlun um Vatnajökulsþjóðgarð – 13 leiðir sem gerðar eru athugasemdir við

by

Verndaráætlun um Vatnajökulsþjóðgarð er opin fyrir athugasemdum til 24. júní n.k. Í henni er gert ráð fyrir lokun á fjölmörgum leiðum í Vonarskarði og norðan Veiðivatna og Þórisvatns. Ef þú villt mótmæla þessu, fylgstu þá með næstu daga hér á vefnum.
Það er verið að undirbúa MÓTMÆLAPÓSTKORT OG MÓTMÆLASKRÁNINGU sem mun birtast hér á vefnum seinna í vikunni. 

Ferðafrelsi F4x4 – okkur vantar ferðasögur og myndir

by

Ferðafrelsisnefnd hefur ákveðið að stefna að útgáfu á aukablaði/blöðum með dagblaði þar sem fjallað væri um lokanir á leiðum í verndaráætlun um Vatnajökulsþjóðgarð. Við hvetjum félagsmenn í F4x4 til að lesa verndarskýrsluna (smella hér) og gera formlegar athugasemdir um lokanir, umgengisrétt, tjöldun eða annað sem betur má fara. Það þarf að skila inn athugasemdum um verndaráætlunina fyrir 24. júní og ef ykkur vantar aðstoð, vinsamlega sendið póst á ferdafrelsi@f4x4.is eða hafið samband við nefndaraðila í Ferðafrelsisnefnd.

Frábær GPS ratleikur 27. mars 2010

by

Enn einu sinni hefur Litlanefnd komið með nýjan flöt á þálfun fyrir nýliða, en laugardaginn 27. mars stóð nefndin fyrir GPS ratleik sem ætlað var að upplýsa jeppafólk um notkun þessa ómissandi tækis í ferðum á hálendinu. Það voru 6 hópar sem lögðu af stað frá Skeljungi við Vesturlandsveg þennan bjarta laugardagsmorgun og hver hópur fékk sína fyrstu GPS punkta, en enginn  hópur var með alveg sömu leið.  

Myndasafn 1 – Guðmundur G. Kristinsson

Myndakvöld í kvöld úr ferð Litlunefndar í Kerlingafjöll

by

Við minnum á myndakvöld úr ferð Litlunefndar í Kerlingarfjöll 20. febrúar sem verður í dag fimmtudaginn 25. febrúar kl 20:30. Myndakvöldið verður í opnu húsi hjá Ferðaklúbbnum 4×4 að Eirhöfða 11, Skemmu 3.

  • Nokkur myndasöfn úr ferðinni sýnd
  • Hefðbundin umræða um jeppamennsku

Eftir myndasýningu verður létt umræða um jeppaferðir og upplagt fyrir nýliða að taka þátt í henni með spurningum og samræðum.

Ferð Litlunefndar í Kerlingarfjöll 20. febrúar 2010

by

Það var mikið í gangi á bensínstöð Skeljungs við Vestulandsveg þegar rúmlega 50 bílar í ferð Litlunefndar í Kerlingarfjöll voru að gera sig klára laugardagsmorguninn 20. febrúar. Þessi ferð markaði tímamót fyrir það að vera fyrsta ferð Litlunefndar þar sem þátttakendum var skipt upp í tvo hópa með sitt hvora ferðalýsinguna. Minni bílarnir í hópnum sem voru um þrjátíu talsins stefndu á að fara Kjöl og upp í Kerlingarfjöll, en stærri bílarnir um Leppistunguleið um Hrunamannaafrétt og upp í Kerlingarfjöll.


Myndasafn 1 – Guðmundur G. Kristinsson
Myndasafn 2 – Hafþór Ægir Þórsson
Myndasafn 3 – Pétur Friðrik Þórðarson
Myndasafn 4 – Þór Ingi Árdal
Myndasafn 5 – Hans Ragnar

Myndasafn 6 – Kristján Kristjánsson
Myndasafn 7 – Hans Þór
Myndasafn 8 – Einar Magnússon
Myndasafn 9 – Kristinn Helgi Sveinsson

 

Kynningarfundur vegna ferðar Litlunefndar 20. febrúar er í kvöld kl. 20:30

by

Litlanefnd minnir á að í kvöld fimmtudaginn 18. febrúar kl. 20:30 verður kynningarfundur vegna ferðar Litlunefndar 20. febrúar í Kerlingarfjöll. Fundurinn er í félagshúsnæði Ferðafélagsins 4×4 að Eirhöfða 11, Skemmu 3. Á fundinum er farið yfir ferðaplan, grunnbúnað í jeppaferðum, akstur jeppa á hálendinu og fleira sem tengist ferðinni.

Búið er að skipta þátttakendum í tvo hópa og bílar með 38” og stærri dekk munu fara Leppistunguleið upp í Kerlingarfjöll, en almennir þátttakendur Kjalveg. Nánar verður farið í þessa ferðatilhögun á fundinum. Fararstjórar sem komast á fundinn, verða kynntir.