Dagskrá félagsfundarins, sem haldinn verður í Mörkinni 6 mánudagskvöldið 3. maí,  verður sem hér segir.

• Innanfélagsmál.
• Slóðamál í víðu samhengi.  Ómar Ragnarsson kynnir.
• Kaffi.
• Safetravel.is  Sæunn Ó. Kjartansdóttir frá Slysavarnarsviði Landsbjargar kynnir.
• Önnur mál.

Fundurinn hefst að venju kl. 20:00.
 
Stjórn F4x4

The post Félagsfundur F4x4 mánudaginn 3. maí 2010 kl. 20:00 appeared first on Ferðaklúbburinn 4x4.

Næsti félagsfundur F4x4 verður haldinn í Mörkinni 6 mánudagskvöldið 3. maí kl. 20:00.
Dagskráin mun birtast á vefnum þegar nær dregur fundi.

Stjórn F4x4.

The post Félagsfundur Ferðaklúbbsins 4×4 mánudagskvöldið 3. maí. appeared first on Ferðaklúbburinn 4x4.

Aðalfundur Ferðaklúbbsins 4×4 verður haldinn laugardaginn 29. maí kl. 13:00 í húsakynnum FÍ að Mörkinni 6.
Dagskráin mun birtast í aðalfundarboði sem sent verður félagsmönnum sem og á vef félagsins old.f4x4.is innan tilskilinna tímamarka.
 
Stjórn F4x4

The post Aðalfundur f4x4 29. maí kl. 13:00 appeared first on Ferðaklúbburinn 4x4.

Hér er slóðin inn á Vatnajökulsþjóðgarðinn. 

Hér geta menn lesið yfir lokatillögur að verndaráætlun Vatnajökulsþjóðgarðs.

Ferðafrelsisnefndin hefur eftir krókaleiðum komist yfir sumar af þessum skýrslum sem allar hafa í för með sér stórfellda skerðingu á ferðafrelsi almennings í landinu. Virðist sem göngumenn hafi komið upp heildrænu nálgunarbanni í kringum sig þannig að fólk á vélknúnum ökutækjum getur hvergi um frjálst höfuð strokið og er bannaður akstur jafnt sumar sem vetur á svæðum þar sem göngumenn hafa ekki einu sinn notað til gönguferðar og er þá vísað í að ekki megi trufla göngufólk.

a. Að afmarka belti fyrir helstu vetrarakstursleiðir utan jökla og á jökli.

„Mikilvægt er að skilgreina betur helstu vetrarakstursleiðir á hálendinu og á jökli. Það minnkar líkur á árekstrum milli mismunandi útivistarhópa“

Hér má sjá skýrslur er snúa að vestursvæðinu, austursvæðinu og norðursvæðinu en enn vantar skýrsluna fyrir suðursvæðið. Verður henni bætt hér inn um leið og hún berst.

The post Lokatillögur Vatnajökulsþjóðgarðs appeared first on Ferðaklúbburinn 4x4.

Norðursvæðið
 
c. Askja
Forsendur fyrir sérstakri verndun. Í Öskjukerfinu er megineldstöðin Dyngjufjöll með sigdældinni Öskju og a.m.k. tveimur öðrum öskjusigum, annað þeirra er sjálft Öskjuvatnið. Í Öskju er háhitasvæði og í skýrslu Náttúrufræðistofnunar Íslands um mat á verndargildi háhitasvæða er lagt til að svæðið við Öskju fái hámarksvernd en þar segir um svæðið. „Formhrein megineldstöð með stórri öskju. Lítil askja og Öskjuvatn mynduðust í stórgosi 1875. Ljósar vikurbreiður frá gosinu lita landið sem annars er grásvart og brúnt. Í gosinu myndaðist m.a. flikruberg sem er fágætt á landsvísu.“ (bls. 40). Verndargildi svæðisins er metið hátt með tilliti til jarðfræði, landslags, útvistar, upplýsinga- og
efnahagslegs gildis. Askja var áður friðlýst sem náttúruvætti og samkvæmt reglugerð um Vatnajökulsþjóðgarð gilda þar sérstakar reglur. Askja er vinsælasti viðkomustaður ferðamanna á hálendinu norðan Vatnajökuls.

Um svæðið gilda eftirfarandi sérreglur:
Tjöldun er óheimil. Undantekningar eru háðar leyfi þjóðgarðsvarðar.

Akstur á snjó er óheimill milli 1. maí – 31. október. Undantekningar eru háðar leyfi
þjóðgarðsvarðar.

Sjá nánar

The post Lokadrög norðursvæðis Vatnajökulsþjóðgarðs appeared first on Ferðaklúbburinn 4x4.

Hér má sjá LOKADRÖG að tillögum um verndaráætlun Vatnajökulsþjóðgarð Austur. Hún gengur út á það í megindráttum að raða mismunandi ferðahópum í sér hólf eftir því hvar þeir mega fara um á jöklinum og á fyrirfram skilgreindum tíma. 

8.3. Vetrarakstursleiðir og akstursleiðir á jökul
Helstu markmið:

a. Að afmarka belti fyrir helstu vetrarakstursleiðir utan jökla og á jökli.
Mikilvægt er að skilgreina betur helstu vetrarakstursleiðir á hálendinu og á jökli. Það minnkar líkur á árekstrum milli mismunandi útivistarhópa, eykur öryggi ferðamanna og minnkar líkur á að ferðamenn valdi spjöllum á náttúrunni. Í framhaldinu þarf að afmarka akstursbelti (og gönguskíðabelti þar sem það á við) þar sem vetrarakstur getur rúmast með góðu móti út frá öryggissjónarmiðum, náttúruverndarsjónarmiðum og án þess að trufla skíðafólk.

The post LOKADRÖG að verndaráætlun Vatnajökulsþjóðgarðs appeared first on Ferðaklúbburinn 4x4.

Elmar Sigurgeirsson formaður Eyjafjarðardeildarinnar stýrði fundinum en mættir voru 50 félagsmenn sem komu frá Eyjafjarðardeild, Skagafjarðardeild, Húsavíkurdeild og Austurlandsdeild

Erindi frá Eyjafjarðardeild. Erlendur Bogason kafari var með mjög áhugaverðan fyrirlestur í máli og myndum um neðansjávarstrýtur á botni Eyjafjarðar. Til að gera sér einhverjar hugmyndir um stærðarhlutföll þá er Strýtan við Ystuvík t.d. 50m há 90m í þvermáli og það streymir um 1000 lítrar af heitu vatni frá henni. Strýturnar eru einu náttúrufriðaðar minjar á hafsbotni við Ísland og er mikið verið að rannsaka þær. Farið var út í það að merkja eina strýtuna með bauju þannig kafarar eigi auðvelt með að finna hana og þar af leiðandi er engin ásókn í hin svæði. Betra að fórna einum stað til að vernda hina. Þeir sem vilja kynna sér þetta eða skoða stórkostlegar myndir af þessu fyrirbæri geta kíkt á inn á síðuna strýtan.is.
Nánar um fundinn.

The post Opinn félagsfundur á Akureyri 5. mars 2010 appeared first on Ferðaklúbburinn 4x4.

Sælir félagar

Í fyrsta skipti í sögu Ferðaklúbbsins 4×4 hafa félagsmenn aðgang að félagsaðstöðu sem klúbburinn ræður sjálfur yfir. Nú á að gera átak í að safna myndum úr sögu klúbbsins og ferðum félagsmanna. Fyrst um sinn langar okkur til að fá myndir frá byggingu Setursins og innan úr Setrinu.  (smella á nánar)

The post Myndasöfnun, myndir í félagsheimilið appeared first on Ferðaklúbburinn 4x4.

Stefna í slóðamálum/ferðamannavega

• Stuðla að því að frelsi félagsmanna og landsmanna verði ekki takmarkað á næstu árum með róttækum eða órökstuddum breytingum á þeim ferðamannavegum sem hafa verið notaðir.
• F4x4 hefur skilning á þörfum annarra og hefur skilning á því að loka þurfi einstaka leiðum af margvíslegum ástæðum, tímabundið eða alfarið.  Lokanir á leiðum skulu þó ekki vera tilviljanakenndar og órökstuddar og F4x4 leggur mikla áherslu á að slíkar ákvarðanir séu aðeins teknar í góðu samráði við klúbbinn og hagsmunir þeirra sem ferðast á fjórhjóladrifsbílum um hálendið þannig tryggðir.
• Nauðsynlegt er að koma skipulagi á hálendið sem þjónar hagsmunum allra þeirra sem þangað sækja.  Slíkt skipulag skal stuðla að verndun náttúrunnar og vinna gegn hættu á náttúruskemmdum vegna aksturs utan vega, en um leið gera almenningi mögulegt að njóta þeirrar einstöku náttúru sem við eigum.

The post Stefna Ferðaklúbbsins 4×4 um slóða og hálendisvegi appeared first on Ferðaklúbburinn 4x4.

Samanber auglýsingu frá 14. febrúar síðastliðinn boðar stjórn F4x4 til opins félagsfundar á Akureyri föstudagskvöldið 5. mars kl 20:00 á Hótel KEA.
Fundurinn er haldinn í samstarfi við Eyjafjarðardeild F4x4 og eru félagsmenn þeirrar deildar sem og félagsmenn annarra deilda á norðurlandi, s.s. Húnvetningar, Skagfirðingar og Húsvíkingar,  hvattir til að mæta. Fulltrúar annarra deilda eru einnig boðnir velkomnir enda er fundurinn öllum opinn sem á annað borð eru félagsmenn í Ferðaklúbbnum 4×4.

Dagskrá fundarins verður sem hér segir.

Setning fundar ásamt kynningu.

• Erindi frá Eyjafjarðadeild.
• kynning á deildinni auk erindis um neðansjávarstrýtur í Eyjafirði í umsjá Erlendar Bogasonar.
• Erindi frá Skagafjarðadeild.
• kynning á starfi Skagafjarðadeildar auk mynda- og vídeósýningar.
• Störf stjórnar F4x4 og umræður.
• Kaffihlé.
• Kynning á Stórferð F4x4 síðar í mánuðinum.
• Störf Ferðafrelsisnefndar og hagsmunabarátta.
• Önnur mál.

Stjórn F4x4.

The post Opin félagsfundur á Akureyri föstudagskv. 5. mars appeared first on Ferðaklúbburinn 4x4.