FERÐAKLÚBBURINN 4X4
Menu

Öruggari ferðamennska á jeppum og vélsleðum.

by

Safetravel.is og Sjóvá bjóða jeppa- og vélsleðamönnum á fyrirlestra sem bera nafnið Öruggari ferðamennska á jeppum og vélsleðum. Farið er í helstu atriði sem geta farið úrskeiðis og hvað helst þarf að hafa í huga til að forðast óhöpp. Fyrri fyrirlesturinn fer fram í Reykjavík fimmtudaginn 29. mars kl. 20:00 og verður í húsi Hjálparsveitar skáta í Kópavogi. Sá seinni verður á Akureyri 2. apríl kl. 20:00 í húsi Súlna, björgunarsveitarinnar á Akureyri. Hvetjum alla til að mæta og taka með sér gesti.

https://www.facebook.com/events/103878556411882/  – Reykjavík

https://www.facebook.com/events/255404041220902/  – Akureyri

Bestu kveðjur

Jónas Guðmundsson 

Verkefnastjóri Safetravel

Ferðamálafræðingur, BA

Slysavarnafélagið Landsbjörg

Sími: 570-5910

Farsími: 897-1757

Lagerhreinsun laugardaginn 31. mars

by

Klettur – sala og þjónusta ehf mun halda lagerhreinsun laugardaginn 31. mars kl. 10-16 að Klettagörðum 8-10, 104 Reykjavík.
Þar munum við verða með álfelgur, fólksbíla-, jeppa-, fjórhjóla- og mótorhjóladekk. Yfir 300 álfelgur, 100 mótorhjóladekk og 800 dekk undir bíla.
  • Álfelgur verða  á 5.000 kr. stk.
  • Stök dekk 1.500 kr. stk.
  • 13“ dekk 3.000 kr. stk.
  • 14“ dekk 4.000 kr. stk.
  • 15“dekk frá 5.000 kr. stk.
  • 16“ dekk frá 6.000 kr. stk. Osfr.
  • Mótorhjóladekk á 50% afslætti.
  • Fjórhjóladekk á tilboði.

Nýttu tækifærið til að eignast álfelgur og dekk á frábæru verði.

Árshátíðarmiðar

by

Einar Sól. er  kominn með ÁRSHÁTÍÐARMIÐANA.
Hann er til í að vera á Eirhöfðanum eftir hádegi  á morgun laugardag, þ.e. ef 20 eða fleiri eru tilbúnir að  koma og sækja miðana sína. Hann verður með posa á staðnum.
Hann vil helst afhenda sem flesta pantaða miða fyrir laugardagskvöldið.
Vinsamlega hafið samband við Einar til að létta honum dreifinguna í síma: 8946586

Aðgöngumiðar á árshátíð.

by

Einar Sól. hafði samband við mig og bað um að tilkynna hér að hann væri búin að fá ÁRSHÁTÍÐARMIÐANA afhenta. Síminn hjá Einari er 8946586. Hann er til í að vera á Eyrhöfða eftir hádegi á morgun laugardag ef 20 eða fleirri koma og sækja miðana. Hann verður þá með posa. Hann vil helst afhenda sem flesta pantaða miða fyrir laugardagskvöldið. Vinsamlega hafið samband við Einar til að létta honum dreifinguna. SBS.

Landgræðsluferð í Þjórsárdal 10-12 júní 2016

by

 

Góðan daginn,
nú er loks komið að okkar árlegu ferð í Þjórsárdalinn eða helgina 10 – 12 júní. Í samvinnu við Hekluskóga fékk Ferðaklúbburinn 4×4 úthlutað svæði vorið 2008 í Þjórsárdal við Þórðarhöfða og Núpsskóg til að vernda, hefta fok, rækta og endurheimta birkiskóg. Undir leiðsögn Hreins Óskarssonar hjá Hekluskógum hefur þar verið sáð grasfræi, áburður borinn á og gróðursettar þúsundir trjáplantna árlega síðan sem hefur orðið til þess að dalurinn<span class=”text_exposed_show” style=”display: inline;”> hefur tekið gífurlegum breytingum.
Helgin 10 – 12 júní var valin til að fara Landgræðsluferðina. Haldið verður áfram þar sem frá var horfið á síðasta ári og farið sunnar á holtið. Vonandi mun fríður hópur manna taka vasklega til hendinni í príðilegu veðri á laugardeginum og ekki líta upp frá störfum fyrr en allur áburður er dreifður og allar trjáplöntur eru gróðursettar. Í framhaldinu verður svo grillað á tjaldstæðinu í Þjórsárdal og átt góða stund fram eftir kvöldi. Þess má geta að frítt er fyrir hópinn á tjaldstæðinu alla helgina.
Svæðið við Núpsskóg og Þórðarhöfða getur í framtíðinni ef vel tekst til orðið að yndislegri vin með góðri aðstöðu fyrir félagsmenn til útiveru og samveru. Það veltur fyrst og fremst á okkur sjálfum að láta það verða að veruleika.
Sjá má umfjöllun og myndir af störfum okkar hér…. http://www.jakinn.is/?album=landgraedsluferd-2013

Gott væri ef félagsmenn tilkyntu hér í þennan þráð með þátttöku svo auðveldar verður að haga innkaupum á mat…………..