Kæru félagsmenn

Þessa dagana er verið að rukka félagsgjaldið vegna 2012. Þau mistök urðu að skráin fyrir Austurlandsdeildina fór tvisvar í gegnum heimabankann. Að sjálfsögðu eigið þið ekki að greiða tvöfalt gjald, það er verið að vinna í að taka þetta tilbaka.

Þetta ætti að vera komið í lag um helgina.

Bestu kveðjur

Ragna

Óvenjulegir tónleikar á óhefðbundnum tónleikastað laugardaginn 16. apríl

Karlakór Kjalnesinga syngur í gíg Skjaldbreiðar

Fjallið Skjaldbreiður og fleiri lög, flest við kvæði Jónasar Hallgrímssonar, munu hljóma upp úr gígnum á toppi Skjaldbreiðar laugardaginn 16. apríl, í flutningi Karlakórs Kjalnesinga. Er þetta að því er best vitað í fyrsta sinn sem tónleikar eru haldnir á þessum stað.

Karlakór Kjalnesinga fagnar tuttugu ára starfsafmæli sínu á þessu ári og stendur af því tilefni fyrir tuttugu viðburðum á árinu, misjafnlega hefðbundnum. Tónleikarnir á Skjaldbreið eru haldnir í samstarfi við Upplit, menningarklasa uppsveita Árnessýslu.

Tónleikarnir eru tileinkaðir skáldinu og náttúrufræðingnum Jónasi Hallgrímssyni, sem ferðaðist um þessar slóðir sumarið 1841, fyrir 170 árum, og gerði þar merkar jarðfræðirannsóknir. Enn lifir kvæði hans, Fjallið Skjaldbreiður, sem er á sama tíma stórbrotin ferðalýsing og jarðfræðikenning um uppruna Þingvallasvæðisins. Þó að kenningin hafi í nokkrum atriðum verið hrakin lifir kvæðið – og verða öll ellefu erindin flutt í gígnum á laugardaginn.

Tónleikarnir hefjast kl. 13, í gígnum á toppi Skjaldbreiðar. Hentug leið til að komast þangað er frá Þingvöllum fram hjá Meyjarsæti, Lambahlíðum og Biskupsbrekkum að vegamótum Kaldadals og Uxahryggjaleiðar. Þaðan er haldið beint til austurs eftir línuvegi að rótum fjallsins að norðanverðu, þar sem fannir eru miklar og oftast fært sérútbúnum jeppum á toppinn.

Viðburðurinn er háður veðri og færð og því er ráðlegt að fylgjast vel með tilkynningum á vefsíðum Karlakórs Kjalnesinga og Upplits.

Aðgangur er ókeypis og allir velkomnir – á eigin ábyrgð.

Bílamessa 2.júní 2011, Digraneskirkju, 4.ferð, Uppstigningadagur.

Nú er komið að því að við ætlum að hafa kyrrðarstund í Digraneskirkju í þriðja sinn. Undanfarin tvö skipti hefur þessi stund mælst mjög vel fyrir hjá okkur og Sr. Gunnari ásamt hans fólki í kirkjunni. Allir eru sammála að þetta sé góð stund til að minnast fallinna félaga og íhuga um sitt nánasta umhverfi. Eins og fyrri ár ætlum við að hittast í kirkjunni kl. 20.00. Eftir messuna býður klúbburinn ásamt kirkjunni upp á kaffiveitingar. Við hlökkum til að sjá þig og þína. Ekki er áætlað að fara sérstakan rúnt á eftir en við látum þó tíma og veður ráða því endanlega.

Umsjón ferðar Gunnar Örn Hjartarson s.897-4585