FERÐAKLÚBBURINN 4X4
Menu

Aðalfundur Ferðaklúbbsins 4×4 2014

by

Aðalfundur Ferðaklúbbsins 4×4 2014
Verður haldinn að Hótel Natura (Loftleiðir) mánudaginn 26. maí kl 20:00
Dagskrá fundarins:
Venjuleg aðalfundarstörf eftir lögum félagsins.
Engar lagabreytingatillögur komu fram.
Teknar verða fyrir beiðnir um styrkveitingar.
Rétt til setu á aðalfundi, og atkvæðisrétt, hafa allir félagar í öllum deildum og móðurfélagi sem hafa staðið full skil á gjöldum til félagsins.
Stjórn Ferðaklúbbsins 4×4.

Fréttir af aðalfundi Austurlandsdeildar

by

Á aðalfundi voru endurkjörnir í stjórn: Einar Birgir Kristjánsson formaður,Jónas Þ. Jónasson ritari og Ingvar Ríkharðsson gjaldkeri. Meðstjórnendur voru kjörnir Jón Björgólfsson og Andri Valur Pálsson.

Skálnefnd skipa: Jens Hilmarsson,Óskar Þór Guðmundsson og Arnór Ari Sigurðsson

Ferðanefnd: Ragnar Stefánsson,Heiðar Broddason og Andri Fannar Traustason

Fræðslufulltrúi: Grétar Karlsson

Sýningarnefnd: Eiður Ragnarsson og Hermann Ísleifsson.

 

 

 

 

Lokahóf nefnda og opið hús

by

 Lokahóf og uppskeruhátíð nefnda verður föstudagskvöldið 9. maí  næstkomandi.

Öllum nefndarmönnum er boðið að koma og verður boðið upp á veitingar eins og venjulega.

Dagskráin verður eftirfarandi:

 Fundur verður kl. 18:30 og verður hann eins stuttur og hægt er. Hver nefnd fær 10 mín. Framsögu og þarf þar að koma fram starf síðasta árs, framtíðarsýn og skipun næsta árs.

Eftir fund verður boðið upp á grillaða Búlluborgarar og drykk.

 Kl. 20:30 verður síðan opið hús með tilheyrandi í boði skemmtinefndar.

Kannski verður hluti Stjórnarinnar með uppákomu, en því miður næst ekki öll hljómsveitin saman þar sem einstaklingar inn hljómsveitarinnar hafa verið uppteknir í sólóferli erlendis. En Tveir þeirra eru og hafa reynt að sigra Ameríkuna en Logi Ragnars fór í Evrópu tour.   Engar sérstakar upplýsingar liggja fyrir um sigra í ferðunum.

En allt kemur þetta í ljós.   Allavega takið með ykkur góða skapið og gerum þetta kvöld eftirminnilegt og fögnum góðu starfsári eins og okkur er einum lagið….

Stjórn og Skemmtinefn

Aðalfundur Austurlandsdeildar

by

Aðalfundur austurlandsdeildar verður haldinn í Slysavarnarhúsinu á Egilsstöðum 10 maí nk. kl 1500. (ath breyttan fundarstað og tíma).

Dagskrá fundarins:

Kosning fundarstjóra

Skýrsla stjórnar

Reikningar Deildarinnar lagðir fram

Kosning Stjórnar,skálanefndar,þorrablótsnefndar og fræðslunefndar ofl.

Önnur mál.

Kaffiveitingar

Félagsfundur 5. Maí

by

Níundi félagsfundur vetrarins verður haldinn á Hótel Natura (Loftleiðum)

Hefst fundurinn stundvíslega kl. 20:00

Dagskrá:

  • Innanfélagsmál
  • Kynning Ara Arnórssonar á nýjum íslenskum jeppa
  • Hvað eigum við að gera í fjarskiptamálum? – Fyrirlestur frá Fjarskiptanefnd.
  • Önnur mál.

Kaffihlé verður um 21:00

Félagsmenn eru hvattir til að mæta og kynna sér starfið framundan.

Stjórn 4×4

Ferðast þú á jöklum?

by

Í tilefni nýrrar uppfærslu á sprungukortum jökla bjóða aðilar verkefnisins til opins hús í Garmin búðinni miðvikudaginn 26. mars milli 20:00 og 22:00. Eigendur GPS tækja geta kynnt sér sprungukortin og fengið leiðbeiningar við innsetningu þeirra í tækin sín. Á vefsíðunni www.safetravel.is má finna nýja uppfærslu kortanna en þar má einnig finna „þekktar, hættuminni leiðir“ yfir nokkra jökla. Þessu má hala niður og nýta við ferðalög sín á þessum jöklum. Allir hvattir til að mæta, kynna sér kort og leiðir og stuðla þannig að eigin öryggi og annara.

joklakort