FERÐAKLÚBBURINN 4X4
Menu

Kvennaferð F4x4 2015

by

Jæja, þá er komið að hinni árlegu kvennaferð f4x4 en að þessu sinni hefur verið ákveðið að fara í Hólaskóga helgina 20. – 22. febrúar. Að sjálfsögðu verður laugardags-jeppatúr þar sem að við munum ná að jeppast fullt (jafnvel spurning að skella sér í Landmannalaugar ☺), hin frábæra sleðakeppni verður á sínum stað og heyrst hefur að verið sé að æfa skemmtiatriði til að toppa fyrri ár.

Verið er að skipuleggja verkstæðisferð sem verður líklega þann 18. febrúar þar sem að farið verður yfir ýmis skemmtileg atriði eins og að tappa dekk og fleira sem er nauðsynlegt að kunna í svona ferðum. Einnig er verið að ræða við útivistarbúð um heimsóknarkvöld og mögulega afslætti.

Endanlegt verð mun koma í ljós þegar að nær dregur en fer það eftir fjölda kvenna og þeim styrkjum sem við náum að fá. Við munum biðja þær konur sem skrá sig að greiða staðfestingagjald upp á 5.000 kr p. konu og verða bankaupplýsingar sendar á þær sem skrá sig.
Skráning fer fram hérna: https://docs.google.com/forms/d/1_i52VWeDqtPxvx5uuvhq97MnbVyiAycRdoBIOtbN33I/viewform?c=0&w=1
og stendur til sunnudagsins 8. febrúar

Endilega fylgist líka með okkur á Facebook grúppunni KVENNAFERÐ 4X4 þar sem að spjallað er um fyrirhugaða ferð og fram munu koma fleiri upplýsingar þegar að líður nær ferðinni https://www.facebook.com/groups/10150124097050241/

Kveðja
Nefndin ☺

Félagsfundur 2. febrúar

by

Ferðaklúbburinn 4×4

Sælir Félagsmenn 4×4 og aðrir áhugamenn um ferðamennsku.

Sjötti félagsfundur vetrarins verður haldinn á Hótel Natura (Loftleiðum) kl 20:00 mánudaginn 2. febrúar.

Á fundinum verða meiri upplýsingar um stórferðina, hvaða kræsingar bíða okkar og fleira.
Sögur af Þorrablótinu í Setrinu og bingóferðin kynnt rækilega.
Snorri Ingimars verður með erindi um utanvegaakstur og samgöngur.

Félagsmenn og aðrir áhugamenn ungir sem aldnir eru hvattir til að mæta.

Kveðja
Stjórnin

STÓRFERÐ F4x4 5-8 mars

by

Búið er að loka fyrir skráningu í stórferð 2015.

Athugið, enn er hægt er að greiða fyrir ferðina hér. Greiðslur eru miðaðar við einstaklinga, en nauðsynlegt er að skrá í hvaða bíl (bílnúmer) viðkomandi einstaklingur er.

Dagsetningin er 5-8 mars. Ferðin er farin í hópaskipulagi. Semsagt menn skrá sig og tilgreina í hvaða hóp þeir eru. Einungis eru leyfðir hópar í þessa ferð og menn verða að para sig sjálfir saman. Ábending er þó að menn þekki ferðafélagana sína vel. Allir hópar verða að hafa hópstjóra sem er í forsvari fyrir hópinn.

Dagskrá:
5. mars : Flestir gista á og í kringum hrauneyjar
6. mars: Farið yfir hálendið til Akureyrar
7. mars: Dagsferð með Eyfirðingum og bílasýning.
8. mars: Heimferð

Menn verða að bóka gistingar sjálfir í Hrauneyjum og Akureyri. Við verðum með spes díl í Hrauneyjum fyrir ferðina.

Reglur fyrir ferðin má lesa hér https://old.f4x4.is/wp-content/uploads/2015/03/2015-Fer%C3%B0areglur_skipuleggjendur.pdf

Ríkisleiðina má svo sjá hér: https://old.f4x4.is/wp-content/uploads/2015/03/Storferd_2011_vers2.gdb

Kær kveðja

Stjórnin

Viðgerðarferð í Setrið

by

Sælir félagar.

Fyrir liggur viðgerðarferð í Setrið um komandi helgi, þ.e. 17-18. jan. Nauðsynlegt er að skipta um vatnsdælu þar sem dælan slær út rafmagninu, útleiðsla í henni. skipta um smurolíu á ljósavél, þétta púströr, og eitthvað lítilræði í viðbót. Við þurfum vaska menn í þetta verkefni, gott væir að láta nefndina vita í tíma hverjir hafa áhuga, upp á kvöldmat á laugardaginn að loknu verki vonandi. Færið er þungt þangað og best er að fara um Sóleyjarhöfða, Gott væri að ca 2, 44 t. bílar kæmu með. Við viljum leggja í hann á föstudagskvöldið svo við höfum birtuna á laugardaginn.

kv
Guðmundur Geir Sigurðsson

Næsti félagsfundur 12. janúar

by

Ferðaklúbburinn 4×4

Sælir ferða- og jeppaáhugamenn.

Fimmti félagsfundur vetrarins verður haldinn á Hótel Natura (Loftleiðum) kl 20:00 mánudaginn 12.janúar.
Á fundinum verður kynning frá Rögg um notkun gsm síma sem staðsetningu í neyð.
Litlanefndarferð, Þorrablótsferð, meira um Stórferð ásamt öðrum innanfélagsmálum
Að lokum verður video af eldri stórferð ef tími gefst til.
Félagsmenn og aðrir áhugamenn ungir sem aldnir eru hvattir til að mæta.
Allir velkomnir.

Kveðja

Stjórnin

Nýr vefur Ferðaklúbbsins 4×4

by

Nýr vefur klúbbsins er kominn í loftið. Vefurinn hefur verið í þróun í haust og mikil vinna sem liggur að baki breytinganna. Vefnefnd vill þakka Netheimum (http://netheimur.is/) fyrir þeirra framlag, en þeir hafa unnið vefinn með okkur og hýsa vefinn fyrir okkur.

Nýji vefurinn byggir á nýjustu þróun í vefmiðlum og byggir á tilbúnum kubbum sem við púslum saman. Þetta er gert til að lágmarka kostnað og auðvelda viðhald.

Vefnefnd hefur miklar væntingar til þessa vefs og vonast til þess að hann komi til með að nýtast klúbbnum vel.

Margar nýjungar eru í vefnum. Búið er að tengja vefinn við greiðslugátt þannig að nú er hægt að bjóða upp á greiðslu í gegnum vefinn þegar við á. Viðmót notenda, nefnda og deilda er nú líkara viðmóti sem þekkist á samfélagsmiðlum (svo sem facebook). Margt fleira mætti telja fram.

Myndasafnið á eldra vefnum er ekki hægt að nota lengur, það mun verða aðgengilegt, en því miður verða allir að byrja með tómt myndasafn.

Til að skrá sig inn á vefinn, er smellt á „peðið“ neðarlega, hægra megin í svarta rammanum efst á síðunni (sjá mynd). logga-inn

Ef lykilorð er týnt, þá er hægt að velja „Glatað Lykilorð?“ á síðunni sem kemur upp eftir að búið er að prófa innskráningu (smella á peðið og síðan Innskráning). Til að geta endurheimt lykilorð þarf að vita annað hvort notendanafnið eða tölvupóstfang sem skráð er við notendanafnið. Ef ekki er vitað hvaða notendanafn eða tölvupóstfangið er notað, þá þarf að sækja aðstoð til Vefnefndar (vefnefnd@f4x4.is).

Kveðja,
Vefnefnd

Nóvemberferð Litlunefndar – Aflýst

by

Vegna snjóaleysis á fjallvegum í nágrenningu hefur Litlanefndin tekið ákvörðun um að fresta nóvemberferðinni um óákveðin tíma.

Við munum hafa augun opin á næstunni og ef veðrið breytist og það fer að kólna aftur og snjóa, þá munum við skoða nýja dagsetningu í desember.

Ef ekki þá stefnum við ótrauðir á janúarferð þann 17. janúar næstkomandi.

Litlanefndin