FERÐAKLÚBBURINN 4X4
Menu

Aðstoð við hreinsun vegna öskufalls

by

Ágætu félagar,

Við hvetjum alla sem geta að taka þátt í hjálparstarfi sem fer í gang, líklega eftir helgi, við að hreinsa til eftir þetta gífurlega öskufall sem kom meðan á gosi stóð.

Það verður stofnuð skráningarsíða hér á vefnum þar sem hægt er að skrá sig, það er nauðsynlegt að skrá e-mail eða símanúmer svo hægt sé að senda tölvupóst eða SMS  því fyrirvari getur verið mjög stuttur.  Ekki er nauðsynlegt að vera á eigin bíl heldur reynum við að safna saman í bíla og því þarf að merkja við hvort viðkomandi sé á bíl og eins hve marga aukafarþega er hægt að hafa.

Næstu dagar fara í að kanna ástandið fyrir austan og skipuleggja sjálfboðaliðastarfið og þegar verkáætlun liggur fyrir þá verður haft samband við okkur og fundið út hvar við getum nýst sem best.

ATH Skráning fer fram á skráningarsíðu klúbbsins smellið hér. 

Stjórnin

Aðalfundarboð

by

Aðalfundarboð

Aðalfundur Ferðaklúbbsins 4×4 verður haldinn mánudagskvöldið 23. maí 2011 og hefst hann kl. 20.00.

Fundurinn verður haldinn í sal félagsins að Eirhöfða 11, skemmu 3.

Réttur til setu á fundinum hafa allir skuldlausir félagsmenn og skulu þeir framvísa gildu félagsskírteini við innganginn.

Dagskrá er skv. 3 gr. laga félagsins.

  1. Setning fundar og dagskrá kynnt.
  2. Kosning fundarstjóra og fundarritara.
  3. Skýrsla stjórnar um störf félagsins á liðnu starfsári.
  4. Umræður um skýrslu stjórnar.
  5. Skoðaðir reikningar lagðir fram og skýrðir.
  6. Umræður um reikninga og þeir bornir upp til samþykktar.
  7. Skýrslur nefnda, ef kjörnar hafa verið.
  8. Tillögur/lagabreytingar frá stjórn, nefndum eða félagsmönnum.
  9. Kjör stjórnar, varamanna og fastanefnda.
  10. Kjör skoðunarmanna.
  11. Önnur mál.
  12. Fundarslit.

Stjórn Ferðaklúbbsins 4×4 

Félagsfundur 4×4

by

Næsti félagsfundur 4×4 verður mánudagskvöldið 2. maí, kl. 20:00, fundarstaður er Icelandair Hotel Loftleiðir.

Fundurinn að þessu sinni er skipulagður af eftirtöldum nefndum: Litlunefnd, Tækninefnd, Skálanefnd og Umhverfisnefnd.

Dagskrá

  • Innanfélagsmál
  • Myndasýning frá byggingu Setursins skála F4x4
  • Kaffi
  • Fyrirlestur frá Frey Jónssyni um síðustu ferð hans á Suðurskautslandið 2010

Fundur vegna ferðar Sprengisandur-Kjölur

by

Ágætu félagar, fundur vegna ferðarinnar verður næst komandi mánudagskvöld (21. mars) kl. 20:00 í húsnæði Klúbbsins, Eirhöfða 11, Skemmu 3.

Á fundinum verður dreift efni, farið yfir dagskrána, drukkið kaffi og spurningum svarað.

Meðfylgjandi er uppfærð útgáfa af lista yfir hópa og þátttakendur.  Endilega lesið yfir skrána og sendið allar leiðréttingar á skraning@f4x4.is sem fyrst því á morgun rennur út fresturinn sem við höfum til að leiðrétta listann fyrir prentun.

Undirbúningsnefnd

Félagsfundur 4×4

by

Næsti félagsfundur 4×4 verður mánudagskvöldið 7. mars., kl. 20:00, fundarstaður er Icelandair Hótel Loftleiðir  (http://www.icelandairhotels.is/hotels/loftleidir), salur Þingsalur 5

Dagskrá.

  1. Innanfélagsmál með áherslu á ferðafrelsisumræðuna.
  2. Kortlagning sprungusvæða á Vatnajökli.  Snævarr Guðmundsson kynnir.
  3. Stórferðin 24 – 27 mars.
  4. Kaffi
  5. Kvennaferðin 2011.  Linda Ósk Högnadóttir og ferðafélagar kynna.
  6. Jeep CJ5 / CJ7 breytingarferli undanfarinna ára.  Bíleigendur fara yfir söguna í máli og myndum
  7. Önnur mál.

Þeir sem eiga eftir að greiða í Stórferðina Sprengisandur-Kjölur geta greitt á fundinum, gjaldkerinn verður með posa með sér. 

Stjórn F4x4

Stórferð 2011- SPRENGISANDUR – KJÖLUR

by

Við höfum pláss fyrir fleiri en við gerðum ráð fyrir upphaflega og því hefur verið opnað aftur fyrir skráningar. Hægt er að skrá sig hérna.

Einnig viljum við minna þátttakendur á að leggja inn á reikning félagsins fyrir sameiginlegum kostnaði sbr. bréf sem sent var á skráð póstföng í síðustu viku, frestur til að greiða er út þessa viku.

Undirbúningsnefnd