FERÐAKLÚBBURINN 4X4
Menu

Stórferð 2013

by

Nú styttist í að skráningar í Stórferðina hefjist – en þær hefjast 5. febrúar kl 21:00

Verðið í ferðina hefur verið ákveðið 12.000 kr á haus.

Innifalið í því verði er:

  • Gisting í skála á aðfararnótt laugardags
  • Kvöldmatur á Hótel Höfn
  • Gisting á Hótel Höfn aðfararnótt sunnudags
  • Morgunmatur á Hótel Höfn

Auk þess dekkar skráningargjaldið annan kostnað, svo sem undirbúning, vöktun á bílaplani á Höfn og fleira smálegt. 

Eins og áður hefur komið fram eru eftirfarandi skilyrði fyrir skráningu:

  • Skráning í hópum sem ferðast sjálfstætt og á eigin ábyrgð
  • Miðað við tvo saman í bíl og gistingu
  • Hópar meta sjálfir hvort bílar séu nógu vel búnir (Undirbúningsnefnd áskilur sér þó rétt til að gera athugasemdir við búnað)
  • Að minnsta kosti einn í hverjum bíl sé meðlimur í 4×4 og búinn að greiða félagsgjald 2013

Sjá má eldri frétt um ferðina Hér

Nefndin

Stórferð 2013

by

Afmælis-Stórferð Ferðaklúbbsins 4×4 – Vatnajökull þver og endilangur
Dagana 14 – 17 mars 2013.

Umsjón Túttugengið ásamt Hornafjarðardeild 4×4 

Ferðatilhögun er eftirfarandi:

14. mars – Þeir sem vilja leggja af stað að kvöldi og útvega sér gistingu sjálfir. Tilboð verður í Hrauneyjum fyrir þá sem vilja og nefndin hefur einnig tekið Jökulheima frá og einhverjir komast fyrir þar. Tekið verður við bókunum í jökulheima eftir að skráning hefst.

15. mars – Ferðin hefst formlega og er hópnum stefnt í Sigurðarskála í Kverkfjöllum. Ef fjöldinn verður mikill eru Grímsfjall, Gæsavötn og Drekagil til vara. Leiðarval er undir hverjum og einum hóp komið. Umsjónaraðilar munu gefa út ferla til viðmiðunar fyrir þá sem vilja.

16. mars – Ekið frá hverjum skála fyrir sig, yfir Jökul og niður á Hornafjörð þar sem að Gist verður á Hótel Höfn. Veisla haldin að fjallamanna sið og djammað eins og orka er til… Leiðarval niður af Jökli verður samkvæmt ráðleggingum Hornfirðinga, veðri og færð, og verður gefið út þegar nær dregur. Valkostir í því eru Lambatungnajökul, SKálafellsjökull eða Breiðamerkurjökull. 
Á hótel Höfn verður boðið upp á hlaðborð um kvöldið, eða þegar menn skila sér í hús. Gist í uppábúnum rúmum og morgunverður á sunnudegi. 

17. mars – Heimferð eftir hvers manns höfði. Nefndin hefur tekið Grímsfjall frá fyrir þá sem það vilja og verður tekið við bókunum eftir að skráning hefst.

Annað sem skiptir máli:

  • Skráning í hópum sem ferðst sjálfstætt og á eigin ábyrgð.
  • Leiðin er krefjandi og því beiti menn heilbrigðri skynsemi þegar þeir meta hvort ökumenn eða ökutæki sé nægjanlega vel í stakk búinn fyrir ferðina.
  • Lágmarksbúnaður í bíl er þó GPS tæki og öruggur fjarskiptabúnaður (VHF eða betra)
  • Miðað er við tvo í bíl og saman í herbergi á leiðarenda

Verð í ferðina hefur ekki verið ákveðið og verður auglýst síðar.

Skráningar hefjast 5. febrúar kl 21:00 og vissara er að skrá sig og sinn hóp sem fyrst til að vera viss um að fá pláss

Nefndin

Skráning í Nýliðaferð

by

 

Skráning í nýliðaferðina hefst kl 20:00 í kvöld ´

Athugið að einungis 20 bílar komast með í þessa ferð og því borgar sig að skrá sig strax.

Skráning fer fram hér á vefnum: SMELLIÐ HÉR til að komast á skráningarsíðu.

Nánari upplýsingar um ferðina er að finna HÉR 

 

Túttugengið 

Nýliðaferð 26 – 28 nóvember

by

Nýliðaferð Ferðaklúbbsins 4×4 verður farin helgina 26 – 28 nóvember. 

 Skráning hefst miðvikudaginn 17. nóvember kl 20:00, einungis skráð hér á vefnum.

Ferðatilhögun: 

 Farið verður af stað frá Select við Vesturlandsveg í tveimur hópum, sá fyrri kl 16 en sá seinni kl 18 og ekið um Dómadalsleið í Landmannahelli þar sem að haldið verður til um helgina. Á laugardegi verður svo farið í einhverja skemmtilega dagsferð á svæðinu og er þar úr nógu að velja. Sem dæmi um mögulega áfangastaði má nefna Heklu, Hrafntinnusker, Krakatind, Laugar o.m.fl. En þetta verður ákveðið á staðnum í samræmi við veður og snjóalög. 

Heimleið verður svo ákveðin á sama hátt og þátttakendur geta ekki reiknað með að vera komnir heim fyrr en seint á sunnudegi.

Þessi ferð er hugsuð fyrir alla nýja félagsmenn í 4×4 sem og þá sem að eru að reyna sig á nýjum bílum eða nýbúnir að breyta. Ef að húsrúm leyfir verður fyllt upp með reyndari mönnum sem vilja koma með.

Þar sem að húsrúm er takmarkað á svæðinu komast einungis 20 bílar með og er hámark einn farþegi í hverjum bíl auk bílstjóra. Einnig er gerð krafa um að allir bílar séu útbúnir til hálendisferða að vetri og séu á nægjanlega stórum dekkjum til að bera þyngd bílsins, VHF og GPS verður að vera í öllum bílum. Ef að einhver er í vafa um hvort að hans bíll sé gjaldgengur þá er bara að senda fyrirspurn á fararstjóra.

Verðið í ferðina er 5.000 kr á haus og er innifalið í því verði gisting í tvær nætur í Landmannahelli og kvöldmatur á laugardagskvöldi.

Fararstjórn er í höndum Túttugengisins og er hægt að senda fyrirspurnir á bm@sk3.is eða með því að hringja í Benna í 898 6561