Fyrsti fundur Austurlandsdeildar á þessu hausti verður haldinn í húsi Björgunarsveitarinnar Héraðs . þann 17. sept n.k.
Fjallaskarð um næstu helgi 15-17 ágúst
Nú styttist í fyrstu vinnuferð Austulandsdeildar í Fjallaskarð. Á verkefnalistanum þesa helgi er að grafa 220 metra vatnslögn að nýju og betra vatnsbóliog setja þar lindarbrunn. Setja niður undirstöður fyrir vélarhús. Setja upp mastur fyrir vindrafstöð og sólarsellur. Fyrir þá sem hagir eru á tré eru verkefnin að setja saman og upp heitapottinn sem bíður upp frá. Einnig að græja grindur og niðurfall í forstofuna.Við þurfum að grafa fyrir ídráttarrörum fyrir stýrikapla og fyrir 12 volta inntak í húsið.
Ætlunin er að fara með eina 5 tonna gröfu og eina 1,5 tonna ávörubíl. Þurfum helst að koma efni úr þórisstaðakvíslinni að skálanum til að nota með stöplum og lika í síðustu 100 metrana á heimreiðinni sem verður alltaf drulla í vatnsveðri.
Vonandi sjá einhverjir sér fært að mæta. Síðan eru vinnuhelgar næstu 2 helgar á eftir. Flestir ættu að geta fundið sér tíma til að leggja hönd á plóg.
Vinnuferðir í Fjallaskarð í Ágúst
Ákveðið hefur verið að hefja vinnu í Fjallaskarði um miðjan ágúst. fyrsta skipulagða vinnuhelgi verður 15-16 agust. síðan 23-24 og 30-31 . Takið endilega frá einhverjar af þessum helgum félagar. Það eru næg verkefni
Fréttir af aðalfundi Austurlandsdeildar
Á aðalfundi voru endurkjörnir í stjórn: Einar Birgir Kristjánsson formaður,Jónas Þ. Jónasson ritari og Ingvar Ríkharðsson gjaldkeri. Meðstjórnendur voru kjörnir Jón Björgólfsson og Andri Valur Pálsson.
Skálnefnd skipa: Jens Hilmarsson,Óskar Þór Guðmundsson og Arnór Ari Sigurðsson
Ferðanefnd: Ragnar Stefánsson,Heiðar Broddason og Andri Fannar Traustason
Fræðslufulltrúi: Grétar Karlsson
Sýningarnefnd: Eiður Ragnarsson og Hermann Ísleifsson.
Aðalfundur Austurlandsdeildar
Aðalfundur austurlandsdeildar verður haldinn í Slysavarnarhúsinu á Egilsstöðum 10 maí nk. kl 1500. (ath breyttan fundarstað og tíma).
Dagskrá fundarins:
Kosning fundarstjóra
Skýrsla stjórnar
Reikningar Deildarinnar lagðir fram
Kosning Stjórnar,skálanefndar,þorrablótsnefndar og fræðslunefndar ofl.
Önnur mál.
Kaffiveitingar
Gps og ferðamennsku námskeið í Fjallaskarði
Austurlandsdeild heldur Námskeið í Fjallaskarði 28-30 mars.
Námskeiðið hefst kl 21 á föstudagskvöld .
Dagskráin er þannig.
Föstudagur;
2100-2300. Fyrirlestur um almenna ferðamennsku- Lestur veðurspáa ofl
2400. Ljósin slökkt og ró kominn á
Laugardagur;
kl 0800-0900 Morgunmatur
0900-1200 Stutt ágrip í grunnartiðum siglingafræði Farið yfir og kennt notkun GPS staðsetningatækja
1200-1300Hádegishlé
1300-1500. Framhald á GPS kennslu
1500-1700 Leystar þrautir með staðsetningartækjum.
1800. Sameiginlegur Kvöldverður
1930 Kvöldvaka Endurfluttur annáll frá síðasta Þorrablóti auk almennrar gleði
kl 2400. Allir að sofa í hausinn á sér
Sunnudagur. kl 0900 Ræs og Næs. Tökum frá 2-3 tíma í vinnu við skálann og svo haldið heim
Verð fyrir námskeið gistingu og kvöldverð á laugardag. kr 4000. á mann.
greiðist inn á reikning 0175-26-444444. kt 600103-3850. staðfesting sendist á ingvar.rikhards@simnet.is
Þeir sem geta komi með sín Gps tæki með sér ásamt köplum. Munum hafa 12 volta spennu á svæðinu.
Austurlandsdeild. Þorrablótsferð
Að gefnu tilefni er áréttað að brottfarir á Þorrablótið eru óbreyttar. Fyrsti hópur fer frá Shellskálanum á Egilsstöðum kl 1000 á Föstudagsmorgun. Annar hópur er að fara kl 1800 frá Shellskálanum. Norðanmenn ætla að vera í Möðrudal um kl 1100 ca og ætla að leggja slóðina. Það er ágætisspá. Norðan,norðvestan átt og liklega verður þá léttskýjað. Færið er þannig að þeir sem fara fyrstir mega reikna með um 8-10 tíma ferðalagi og það gæti verið mikilvægt að menn haldi sig í slóð og vandi sig. En við verðum bara klár með góða ferðaskapið með markmið að skemmta okkur vel
Bröttför á þorrablót Austurlandsdeildar.
Nú styttist í þorrablótið í Kverkfjöllum. Þar sem búast má við talsverðri ófærð ætlum við að leggja af stað frá SHELL skálanum á Egilsstöðum kl 1000 á föstudagsmorgun. Við reiknum með að fara í Möðrudal og þaðan inn eftir og líklega förum við Krepputunguna. Þeir Norðanmenn sem hyggja á samleið með okkur get reiknað með okkur í Möðrudal um kl 1100. Leiðavalið getur breyst ef aðstæður breytast.
Gjaldkerinn kvartar yfir að greiðslur hafi ekki borist frá nærri öllum sem hafa skráð sig. Nauðsynlegt er að greiða sem fyrst svo að matarskamtar ofl. verði hæfilegir.
Menn verða að vera búnir undir langan föstudag ef að líkum lætur og það má búast við talsverðri olíueyðslu.
Einhverjir ætla að koma á laugardegi og það væri gott ef þeir menn sammæltust um brottför.
Hlökkum til að takast á við hálendið og blóta þorra að jeppamanna sið á nýhafinni góu.
Þorrablót Austurlandsdeildar í Kverkfjöllum 1.mars
Þorrablót Austurlandsdeildar verður Haldið í Sigurðarskála í Kverkfjöllum laugardaginn 1.mars. Miðaverð 6500kr 0g er innifalið gisting í tvær nætur frá föstudegi til sunnudags og auðvitað þorramatur á blótinu Skránig er hér á vefnum undir skráning í ferðir. Greiða skal inn á reinkn deildarinnar 0175-26-444444. kt 600103-3850 og senda staðfestingu á ingvar.rikhards@simnet.is Gjaldkera austurlandsdeildar. Ath meðlimir deildarinnar njóta forgangs til 25 febrúar og skal greiðsla hafa borist fyrir þann tíma sem gildir sem staðfesting. Aðrir fá senda tölvupósta eftir þann tíma um hvort pláss sé fyrir þá.