Vel heppnaðri landgræðsluferð Umhverfisnefndar í Þjórsárdal er nú lokið.  Tíu manns mættu í ferðina á fjórum flottum jeppum. Veðrið lék við okkur og við nutum fegurðar haustdagsins. Unnið var að nýju tilraunaverkefni í samstarfi við starfsfók Hekluskóga.  Tínt var fræ af trjám úr Búrfellsskógi, en það er einn elsti skógur á svæðinu, fræin fara síðan í spírun sem vonandi gefur góða raun og sýnir sig í fjölda plantna síðar. Fræsöfnun dagsins var vel viðunandi, en ekki var hægt að tína öll þau fræ er fundurst þar sem sum þeirra voru ekki enn fullþroskuð. Í lok dags var komið við á tjaldstæðinu við Sandártungu, þar sem boðið var uppá grillaðar pylsur og góðgæti.  Í lok ferðarinnar var farið að landgræðslusvæðum þeim sem Ferðaklúbburinn 4×4 hefur haft aðkomu að í Núpsskógi og Þórðarholti.  Þar var gengið um svæðið og afrakstur vinnu fyrri ára skoðaður. Það verður að segjast að afraksturinn er verulegur og gaman er að geta þess að svæðið er gjarnan sýnt sem velheppnað landgræðsluverkefni sem unnið er í samstarfi við áhugamanafélag

Umhverfisnefnd þakkar þátttakendum fyrir góðan dag og vel unnin störf.

Umhverfisnefnd ferðaklúbbsins 4×4 boðar til birkifræjaferðar í samstarfi við Hekluskóga.  Blásið er til þessarar frábæru fjölskylduferðar laugardaginn 18.09.2010. Farið verður frá Shell Select við Vesturlandsveg kl.11.00 og keyrt að tjaldstæðinu Sandártungu í Þjórsárdal, þar sem við hittumst kl.13.  Unnið verður við söfnunina í 3 til 4 klukkustundir og reynt verður að safna eins miklu af birkifræjum og hægt er.  Á síðu Heklusóga er skýringin á því hversvegna þetta starf er svo mikilvægt, en þar stendur; „Hugmyndir um Hekluskóga eru að endurheimta birkiskóga og víðikjarr í nágrenni Heklu sem minnka myndu vikurfok í kjölfar gjóskugosa úr eldfjallinu“. Það hefur sýnt sig eftir gosið í Eyjafjallajökli hversu mikilvægt þetta uppbygginga- og ræktunarstarf er.
Skráning í ferðina fer fram á spjallþræðinum hér til hliðar, en líka er hægt að senda Umhverfisnefndinni póst á umhverfisnefnd@f4x4.is eða hringja í Diddu í síma 694 8862. Gott er að fá að vita svona c.a fjölda í hverjum bíl

Við vonumst til að sjá sem flesta félaga.

Kveðja

Umhverfisnefnd

Stikuferð Umhverisnefndar hefst laugardaginn 4. september. Farið verður frá Select á Ártúnshöfða kl 08.00 .

Haldið verður þaðan í Dómadal um Landveg og stikað úr Dómdalnum annarsvegar í  Hrafntinnusker og hinsvegar leiðina í átt að Laufafelli.

Að lokinni stikun verður haldið í Dalakofan, skála Útivistar í boði Útivistar og Grillað í boði F4x4. Gist verður 1 nótt í Dalakofanum, en um 20 gistipáss eru í skálanum.Á sunnudegi verður valin skemtileg útsýnisleið á leið til byggða.

Skráning er í spjallþræði hér á vefnum, hjá umhverfisnefd@f4x4.is og hjá Diddu s-6948862
Taka skal fram hve margir eru í bíl, símanúmer, hvort verður gist en takmarkað gistipláss er í skálanum.

Kveðja Umhverfisnefnd

Vegna dræmrar þátttöku í landgræðsluferð vorsins verður ferðinni frestað.  Hreinn hjá Hekluskógum vildi gjarnan fresta samstarfinu fram á haustið. 

Með haustinu er stefnt á að bjóða uppá ferð helgaða rúlluböggum og birkifræjum. Hreinn taldi að svæðið „okkar“ í Þjórsárdalnum væri vel varið og í góðu ásigkomulagi.

Hittumst með haustinu í góðri landgræðsluferð.

Kveðja Umhverfisnefnd

Helgarferð 11 – 13 júní 

Nú hefur verið opnað fyrir skráningu í hina árlegu landgræðsluferð F4x4.  Í ár, eins og undanfarin ár verður farið Þjórsárdalinn. 

Margir stefna á að leggja af stað á föstudagssíðdegi og ná þannig góðri útileguhelgi. Gisting verður í boði Hekluskóga á tjaldstæðinu við Sandártungu skammt austan Sandár. Tjaldsvæðið er velgróið, fallegt og flatirnar aðskildar með trjágróðri.

Laugardagurinn 12.06. verður aðalvinnudagurinn. Við höfum, í samstarfi við Landgræðsluna og Hekluskóga, séð um að dreifa áburði blönduðu melgresi og grasfræjum á ákveðin svæði í Núpsskógi og Þórðarholti.  Þau svæði eru frekar stutt frá tjaldstæðinu.

Á laugardagskvöldinu verður frábært grill í boði klúbbsins og eru þeir sem stefna eingögnu á vinnuferðina sjálfa, en ætla sér ekki að gista, bent á að skrá sig þannig að nægur matur verði í boði fyrir alla.

Nánari upplýsingar um ferðina og skráningar eru á vefnum. Einnig er hægt að senda okkur póst á umhverfisnefnd@4×4.is  eða hringja í Diddu í síma 694 8862.

Landgræðslukveðjur frá Umhverfisnefnd

Þá er komið að árlegri landgræðsluferð Umhverfisnefndar F4x4 í Þjórsárdalinn. Ferðin verður farin í  samvinnu við Hekluskóga og Landgræðsluna. Aðal vinnudagurinn verður 12. júní og stefnt er að góðri grillveislu þá um kvöldið.

Nánari upplýsingar um ferðina og skráningar eru á vefnum.

Kveðja, Umhverfisnefnd.

Umhverfisnefnd f4x4 vil minna ferðalanga á að Vegagerðin hefur lokað flestum hálendisvegum  vegna aurbleytu.   Sjá nánar á korti Vegagerðarinnar.

Virðum lokanir  – vinnum með náttúrunni.

Umhverfisnefnd f4x4 

Þó dregið hafi verulega úr gosi á Fimmvörðuhálsi er vert að athuga að við ferðalög að gosstöðvunum þarf að sýna sérstaka aðgát þegar snjóa leysir og jörð verður viðkvæm.  Fylgja þarf jökli og snjófönnum  að gosinu, þar sem engar akstursleiðir eru á norðanverðum hálsinum og aðeins heimilt að aka á snjó. Við mælumst  til að ferðalangar kynni sér vel aðstæður til aksturs á  áður en haldið er af stað.
 
Umhverfisnefnd f4x4