Sameiginlegur félagsfundur Ferðaklúbbsins 4×4, Ferða og útivistarfélagsins Slóðavina, Landssambands íslenskra vélsleðamanna (LÍV) og Skotvís verður haldinn mánudaginn 26. nóvember klukkan 20:00 á Hótel Natura (Loftleiðir).

Dagskrá fundarins:

• Reynsla bandaríkjamanna af stjórnun vegslóða (Russ og Tom – NOHVCC)

Til landsins hafa verið fengnir þeir Russ Ehnes og Tom Crimmins til að miðla af reynslu sinni. Russ Ehnes er framkvæmdastjóri NOHVCC samtakanna (www.nohvcc.org) og hefur áratuga reynslu af stjórnun umferðar á fáförnum ferðaleiðum. Tom Crimmins er fyrrverandi starfsmaður US forest service til 32 ára og með 20 ára reynslu af stjórnun vegslóða. Tom er einnig höfundur bókarinnar Management Guidelines for OHV recreation.

Efni fyrirlestrarins verður meðal annars :

• Geta vegir og vegslóðir verið umhverfisvænar?
• Er hægt að samnýta vegslóðir fyrir ólíka ferðahópa?
• Hvað er vegur og hvað er vegslóð?
• Viðhald og sjálfbærni eða lokun?
• Hvað þarf til að halda umferð á vegi/vegslóð?
• Hverjar eru þarfir þeirra sem nýta vegi?
• Þarf umferð að geta verið á skilgreindum svæðum utan vegakerfis?

Fyrir Alþingi liggja drög að frumvarpi til Náttúruverndarlaga þar sem gerðar eru miklar breytingar á hvernig löglegir vegir og vegslóðar verða skilgreindir. Í stuttu máli stendur til að gefa út kortgrunn með vegum utan hins almenna vegakerfis sem löglegt verður að aka eftir. Akstur eftir öðrum vegum  verður skilgreindur sem utanvegaakstur.

Félögin sem standa að þessum félagsfundi hafa áhyggjur af því að mikið magn leiða muni lokast, jafnvel leiðir sem notaðar hafa verið til ferðalaga um áratuga skeið.

Félögin standa fyrir röð fyrirlestra þar sem stjórnsýslufólki er boðið að hlusta á fyrirlesara frá NOHVCC samtökunum í Bandaríkjunum, m.a. Akureyri, Reykjavík, Selfoss og Borgarnes.

Fyrirlestur Russ og Toms fer fram á ensku.

Með von um að sjá sem flesta,

Ferðaklúbburinn 4×4
Ferða og Útivistarfélagið Slóðavinir
Landsamband Íslenskra Vélsleðamanna
Skotvís (Skotveiðifélag Íslands)

The post Sameiginlegur félagsfundur F4x4, Slóðavina, LÍV og Skotvís appeared first on Ferðaklúbburinn 4x4.

N1 býður félagsmönnum F4x4 í heimsókn í verslun sína á Bíldshöfðanum (áður Bílanaust) föstudaginn 19. október næstkomandi. Húsið opnar kl. 18:00 og mun heimsóknin standa til 20:00 eða þar um bil. Nánari upplýsingar þessu viðkomandi verða settar inn á vefinn þegar nær dregur.

Eftir heimsóknina verður haldið hefðbundið bjórkvöld í húsakynnum klúbbsins að Eirhöfða.

Skemmtinefndin.

The post Heimsókn til N1 19.október og bjórkvöld appeared first on Ferðaklúbburinn 4x4.

Á hverju ári hefur Umhverfisnefnd Ferðaklúbbsins 4×4 staðið fyrir stikun á akstursleiðum í óbyggðum.
Nú erum við í Umhverfisnefndinni loksins komin með niðurstöðu, fyrir Stikuferðina 2012, sem mun verða farin helgina 31. ágúst – 2. september.
Ætlunin er að stika Faxasundaleið frá Fjallabaki nyrðra að þjóðvegi F235 við SV enda Langasjávar, sem og Breiðbaksleið frá þjóðvegi F235 við SV enda vatnsins að Gnapsvaði á Tungnaá og slóðina frá Breiðbaksleið að NA enda Langasjávar.
Við munum fara í Hólaskjól á föstudegi, stika laugardaginn og mögulega á sunnudeginum ef þörf er á.
Klúbburinn sér okkur fyrir sameginlegri máltíð á laugardagskvöldið sem og gistingu í Hólaskjóli.
Umhverfisnefnd vonar að sem flestir sjái sér fært að koma og aðstoða okkur við þetta verkefni á þessum geysi-fagra stað. Ef skyggni er gott, þá ætti að sjást norður á Strandir af Breiðbak en hann er í 1000 metra hæð 😉

The post Stikuferð Umhverfisnefndar 2012 appeared first on Ferðaklúbburinn 4x4.

Í tilefni Stórferðar Ferðaklúbbsins 4×4 býðst félagsmönnum í F4x4 12 kr afsláttur á bensíni og díesel hjá Orkunni og Skeljungi í fjóra daga frá og með í dag. Greiða þarf með staðgreiðslukorti Skeljungs, sem jafnframt er félagsskírteini í Ferðaklúbbnum, eða orkulyklinum.

The post 12 kr afsláttur í 4 daga hjá Skeljungi appeared first on Ferðaklúbburinn 4x4.

Ferlið fyrir nýskráningar er komið í lag og á að vera mun skilvirkara en áður. Viljum við biðjast velvirðingar á þeim óþægindum sem þetta hefur valdið.

Vefnefnd F4x4.

The post Skráning í klúbbinn appeared first on Ferðaklúbburinn 4x4.

Þann 5. mars næstkomandi kl. 20:00 mun www.safetravel.is og Slysavarnafélagið Landsbjörg bjóða öllum áhugasömum ferðalöngum á á fyrirlestur er kallast “Snjóflóðaöryggisbúnaður og lífslíkur í snjóflóðum”. Farið verður í virkni mismunandi búnaðar og hvernig miðar að því að auka lífslíkur þess sem grefst í snjóflóði. Þetta er fyrirlestur sem enginn sem ferðast í fjallendi að vetrarlagi ætti að láta framhjá sér fara.

Fyrirlesturinn verður á tveimur stöðum samtímis, annarsvegar í húsnæði Hjálparsveita skáta í Reykjavík að Malarhöfða 6 og hinsvegar í húsnæði Súlna – björgunarsveitarinnar á Akureyri að Hjalteyrargötu 12.  

Jónas Guðmundsson

Verkefnastjóri Safetravel

Ferðamálafræðingur, BA

Slysavarnafélagið Landsbjörg

Sími: 570-5910

Farsími: 897-1757

The post Snjóflóðaöryggisbúnaður og lífslíkur í snjóflóðum appeared first on Ferðaklúbburinn 4x4.

Vefnefnd hefur nú tekið yfir allan rekstur á bæði póstkerfi F4x4 sem og nafnaþjónustu (DNS)

The post Nýtt póstkerfi tekið í notkun appeared first on Ferðaklúbburinn 4x4.

Bílabúð Benna og Ferðaklúbburinn 4×4 bjóða upp á langan bíladag laugardaginn 11. febrúar nk., að Vagnhöfða 23, frá kl.10-16.

The post LANGUR BÍLADAGUR 11. FEB appeared first on Ferðaklúbburinn 4x4.

The post Kvennaferð F4x4 2012 – Gíslaskáli appeared first on Ferðaklúbburinn 4x4.

The post Félagsfundur Suðurlandsdeildar F4x4 appeared first on Ferðaklúbburinn 4x4.