Arnþór Þórðarson – Ferðaklúbburinn 4×4

Hústrukkar – fundur 30. apríl kl 19.30

Arnþór Þórðarson — Fri, 19 Apr 2013 10:31:21 +0000

Hústrukkanefndin boðar til fræðslu- og kynningarfundar í húsakynnum Ferðaklúbbsins 4×4, að Eirhöfða 11, þriðjudaginn 30. apríl, kl. 19:30. Þeir félagar sem eru með bíla á númerum eru hvattir til mæta á þeim.

Bifreiðastæði er að finna þegar ekið er inn Eirhöfðann fyrir norðan Ísaga.

Dagskrá:

1. Félagar kynna bíla sína.

2. Umræður um búnað hústrukka.

3. Hvítasunnuferð í Þórsmörk.

4. Starf nefndarinnar næstu mánuði.

5. Önnur mál.

Hústrukkanefndin:
Grétar Hrafn Harðarson s: 892 1480, Trausti Kári Hansson s: 894 9529, Viggó Vilbogason s: 892 3245.

The post Hústrukkar – fundur 30. apríl kl 19.30 appeared first on Ferðaklúbburinn 4x4.

Hústrukkanefnd stofnuð

Arnþór Þórðarson — Thu, 18 Apr 2013 16:09:29 +0000

Stjórn Ferðaklúbbsins 4×4 hefur skipað þriggja manna nefnd til að vinna að málefnum áhugafólks um hústrukka. Hústrukkar teljast þeir fjórhjóladrifsbílar sem hafa svefnrými. Nefndina skipa eftirtaldir: Grétar Hrafn Harðarson ghh@lbhi.is, (formaður), Trausti Kári Hansson, halendingur@gmail.com og Viggó Vilbogason taeknivelar@taeknivelar.is.

Nefndarmenn voru einmitt kosnir til þessarar forystu á almennum fundi áhugafólks um hústrukka sem haldinn var á vegum Ferðaklúbbsins 4×4 í byrjun mars sl. Áhugafólk er hvatt til að setja sig í samband við skrifstofu klúbbsins eða nefndarmenn og skrá sig á póstlista.

Hústrukkanefnd hefur þegar tekið til starfa og mun efna til almenns fundar í fundarsal Ferðaklúbbsins 4×4 á Eirhöfða 11 þriðjudaginn 30. apríl kl 19.30. Þar verða fjallað um sitthvað tengt hústrukkum og auk þess rætt um fyrirhugaða hústrukkaferð í Þórsmörk um hvítasunnuna (18.-20. maí). Allt áhugafólk um húsbíla með fjórhjóladrifi er velkomið á fundinn.

Stjórn F4x4

The post Hústrukkanefnd stofnuð appeared first on Ferðaklúbburinn 4x4.

Sólskin í kortunum

Arnþór Þórðarson — Fri, 22 Mar 2013 16:37:06 +0000

The post Sólskin í kortunum appeared first on Ferðaklúbburinn 4x4.

Ferð í Nýjadal – brottför kl 11

Arnþór Þórðarson — Fri, 15 Mar 2013 12:32:11 +0000

Ákveðið hefur verið að efna til ferðar í Nýjadal um páskana. Brottför er á skírdag kl 11.00 frá Stöðinni við Vesturlandsveg. Komið til baka seint á páskadag. Sjá nánar á spjallþræði hér á síðunni. Skráning fer fram hér á síðunni. Gert er ráð fyrir að bílar séu að lágmarki á 38 tommu dekkjum og að hver bíll hafi VHF talstöð og GPS tæki. Ferðast verður út frá Nýjadal og komið þangað í náttstað á hverju kvöldi. Fjölskyldur sérstaklega velkomnar. Skálagjald er 1500 kr/mann/nótt og verður innheimt á staðnum. frítt fyrir börn yngri en 13 ára.

Fararstjóri Arnþór Þórðarson s. 8201680

The post Ferð í Nýjadal – brottför kl 11 appeared first on Ferðaklúbburinn 4x4.

Hústrukkar – fundur 5. mars

Arnþór Þórðarson — Wed, 20 Feb 2013 19:49:41 +0000

Þriðjudaginn 5. mars verður haldinn spjallfundur um húsbíla með fjórhjóladrifi (hústrukka).

Fundurinn verður í húsnæði Ferðaklúbbsins á Eirhöfða 11 kl 20.00.

Fundurinn er aðallega ætlaður eigendum slíkra bíla og öðru áhugafólki um ferðalög

á hústrukkum.

Á fundinum verður ákveðið hvort stofna skuli hóp þeirra sem hafa þetta áhugamál.

kveðja, Arnþór

The post Hústrukkar – fundur 5. mars appeared first on Ferðaklúbburinn 4x4.