Fyrsta ferð Litlunefndar fyrir 10 árum síðan var einmitt farinn í Landmannalaugar og því þykir við hæfi að fagna þessum tímamótum með þessum hætti. Veðurspáin fyrir Landmannalaugar er mjög ákjósanleg alveg fram að ferð og því lítur mjög vel út með færð inneftir.
Við í Litlunefndinni hvetjum alla jafnt byrjendur sem og aðra velunnara Litlunefndar að halda upp á þessi tímamót með okkur með því að skrá sig í ferðina.
Kynningarfundur fyrir ferðina verður haldinn að Eirhöfða 11 mánudagskvöldið 16. apríl klukkan 20:30, en það er mikilvægt fyrir þátttakendur að sækja þennan kynningarfund. Að fundinum loknum verður haldið stutt námskeið fyrir byrjendur í jeppamennsku.